Pou Tiute a Leoleo

“Sole, e tiga lava le pisi e tau tapena le Kerisimasi lea o le a o’o mai e matua le talia lava se loan sole se’i fa’atau ai meata’alo a si a’u fanau, ae atili ona le maunofo ai fo’i ma tiute latou i totonu o le tatou ofisa!”

“Sauni, ua mae’a tautala mai le Komesina, e le o toe faigofie le vaitau lenei, ua tetele tau o oloa, ua ta si’i atu ai fo’i ma le pili falema’i lea ua fa’asolo mai ai ma solo tete’e, sole, e vave ae ave ta ita i le fale vale.”

“Pou se e lelei lava oe, e leai sou to’alua ma sau fanau, ae o ita, o le isi lea mea e fai ma fai ai fo’i si fa’ala’ititi lele e sau so’o, e tau sau i se isi taimi ma sina seleni mai lona totogi, ia fa’asoa atu ai i nai fana vai ma bubble a le fanau, o le a ea se isi mea e maua i nei totogi?”

“Sauni, o le tautua lava, aua e te popole ma talanoa mai fua ia te a’u, e te le o iloa fo’i, a leai se fanau, ae o le la e i ai le lo’omatua, e fai mai lava se luasefulu mo lana ta’aloga! Ia ae fai mai lava i aso uma!”

“Ha ha, oka se’iloga la e gaoi a ea?” “Oi a e ata ali’i Kama, e fai fai fo’i le sala i le falepuipui e sili nai lo lota va’ai atu lea, ua ataata mai le fa’asilo’o, ia manava mai si a’u tama, e i ai se lua mo si a’u ta’aloga?”

“Mama, ua leai lava se mea o totoe i le taga, ae fa’atali ia taeao pe a mai!” “Se va’ai se afafine o Kuluse e te oso i ai, e lelei le au fai pisinisi e tua ile vao ola!”

“Ia lele ua tagi mai i le teine e matua ou le maua lava! Ua tuai ai lava ona faia se filifiliga, aua o lona uiga e muamua lava va’ai Mama i se mea e maua ai!” Ha Ha

“Ia a e ata la, e sili ona mamafa tu atu le mea lea ou te fealua’i ma a’u!” “E tali ane le telefoni, talosia a’o se tagata alofa lena o le a ta o atu i ai!” Ioe, o le mea lava lena e tatalo ai i taeao ta’itasi, ia savalia ala o le alofa i tagata, ae ia maua mai sina fa’amanuiaga!”

“Sole, avane ia le Ki o taua lea ua fai mai ua tau vevesi fo’i le fa’afiafiaga a Tevaka,. lale o le ave fo’i teine sivasiva a Tevaka, ae tafasi ai fua mata o le to’alua o le isi fa’avalevale lea ua fa’ailoa mai e lo latou tuaoi.”

“O le masani lava lea, e muamua ata ma oso le vale i le malae, ae sau loa ua tau le tautala atu si fafine te’i lava ua oso i le fia fasi ava, ae le va’ai na sola lava gau le $15. ia Te Vaka, ae le ma’ona ai i nai ona mata!”

“Pe te’i fo’i ua ma’ona i le ‘ata ma le sivasiva mai i le taga a le pese a kama!” “Ha Ha, ae fo’i o le ita sa’o lava i le alu atu o lo’o feala mai tamaiti, ae ua mana’o fo’i na’o la’ua ma Mama.” O uiga lava ia o tama sole, e tiga ona fa’ailoa i ai se mea e fai, ae le mafai e tatau lava ona si’i i luga lana fu’a, ae loka loa fo’i lima, vave lava le toe Mama!”

“Ia o lea o le ali’i lava lea e masani ona ta o mai ma fa’ato’ese, taimi lenei ‘ave loa lava e loka i TCF e toe mafaufau fa’alelei ai, ma ia taofi ai le fa’ao’olima i tina ma fanau pe a uma ona tagofia le ‘ava o’ona.”

“Ia base, o le a? McDonalds? Ia lelei 104.” “O ta’ua lea o le a fa’asasa’o i le McD lea e fa’ailoa mai le misaga a tamaiti talavou lea e fufusu ai!” “Ioe ua tumu saisai ua tau le iloa po’o fea e aga’i i ai!” “Oka o lea ua ou va’ai atu i si tamaititi le la e momo’e atu, o lona uiga o ia lava lena!”

“Sole o fea e te sau au, o Petesa! Aisea ua e fusu ai?” “Leai o tama e to’atele la na te’i lava ‘au ua tu’i a’u e le isi ali’i!” “Fea e te iloa e o mai ai latou la?”

“Ou te le iloa, leaga o lo’o tamomoe aga’i i tua o le faletupe o Hawaii, ae o a’u na sau e avatu se mea’ai a si ou tina, ou te le’i matamata fo’i ia Te Vaka!” “Ia alu la oe, ae aua ne’i e toe tu fua i se mea tumutumu ma le aia fua o lou pa’u, ok!”