Login

Fa’aaoga le Tusi Folau i le iPad - Kolosi ai le Tua’oi

Ua fa’ailoa mai se tasi o tama mai Kanata, sa ia fa’aaogaina lona Tusi Folau sa ia kopia i luga o lana masini iPad e fa’amaonia ai lona tagatanu’u, a’o taumafai e kolosia le tua’oi o Amerika ma Kanata.

O le ali’i o Martin Reisch mai le a’ai o Montreal na ia fa’aalia i leoleo o le tuaoi o Kanata na Amerika lona tusi folau sa ia kopia i lana masini iPad ona ua fiu e toe sailia lona tusi folau i totonu o lana ta’avale, ae ua leiloa lava!

Na ia fa’aalia i ali’i leoleo nei, o lo’o malaga atu o ia i Vermont e kiliva ana meaalofa mo le Kerisimasi, ma ua ia fa’ailoaina, “Ua ou iloa lelei lava, ua faia e lea leoleo se mea sili mo a’u, ae mautinoa lava, e le tonu le fa’ai’uga ua faia, e tusa ai ma ala o le tulafono.”

Na ia fa’ailoa fo’i, “E tasi lava le mea sa ou manatu i ai, na’o na fa’ailoa atu lava o lo’u tusi folau lea e i luga o la’u iPad, pe mafai ai ona pasi lo’u alu ma ou toe fo’i mai.” O se lipoti lea mai le Associated Press.

O le mea na faia, “Na avea e le ali’i leoleo la’u iPad lea ua i ai lo’u Passport i totonu i le tama’i potu o su’esu’ega a leoleo i le tua’oi, e tusa ma le 5-6minute talu ona alu ese atu o ia ma le iPad ae toe fo’i mai, fa’amanuia mai le Kerisimasi ia te’au ma fa’amatu’u mai loa le avanoa ou te alu ai i Vermont.”

O Martin e 33 tausaga le matua, ma o lenei tala e moni ma fa’amaoni lava, o lo ua mae’a pu’eina fo’i e ia lona ID ave ta’avale i lana iPad, ina ia fa’afaigofie ai ona kolosia e ia le tua’oi e aunoa ma le tau sailia o lona laisene ma le tusi folau i taimi uma e fa’atuina ai o ia e leoleo.

Ua fa’apea lava ona toe fa’atagaina fo’i o ia e toe fo’i ane i le aso lava lea i Kanata, ma ua fa’ailoa mai e Martin, e le toe fa’agaloina e ia lea aso, ma e le toe galo fo’i lona tusi folau i so’o se taimi e kolosia ai e ia le tuaoi lea.

O se fe’au taua ua ia manatu e aumaia i lea fo’i faiga, ina ia fa’autagia i faigamalo, atonu o se tasi lea o mea ua tatau fo’i ona fa’aaogaina mo se vaitaimi e le o toe mamao nai lo le tau fa’aaogaina lava o Tusi folau i taimi uma e femalaga’i ai.

“Ou te iloa, ua toeititi lava fa’aaogaina loa nei faiga e feoa’i ai tagata o le lalolagi, ae toe pau le mea o taofiofia ai lea faiga, ona e le’i o’o lava i le taimi e fa’amalosia ai loa, ae le toe faia ni tusi folau ma pepa fa’amaonia e lolomia.”

E afua mai le tausaga 2009, na mo’omia e tagata Kanata tusi folau ma laisene ave ta’avale e fa’amaonia ai lo latou kolosia i le tuaoi lea. Ua leai ni fa’aaliga e tusa o lea mataupu mai faitoto’a e lua e ulufale ma ulufafo ai tagata i Amerika mai Kanata e tusa o lea tala tusia.

Aumai: AP; saunia: Leua Aiono Frost



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.