Login

Le Lali

Onosa’i I Mea Tiga

Vaega: 4
 
Fa’atalofa atu i lou alafa’i mai i fanuga lelei o lenei aso fou, o se aso tatou te manatunatu ai i le foa’i a le Atua  mo i tatou, e ala lea i le taulaga ola na molia e Lona Alo Pele o Iesu Keriso mo i tatou tagata agasala. ia tatou fa’afo’i le mua ma sunu’i lapalapa o malo, ona o Lana tausiga e le mavae mo i tatou.
 



Siitia pea tulaga o le tautua a le LBJ mo le atunu’u

ausage@samoanews.com

O le fa’aopoopoina mai o ta’avale mo le vaega a le EMS, e tautua ai le atunu’u pe a gasegase, aemaise ai o le tatala aloaiaina o le potu e taunu’u i ai gasegase tigaina i le falema’i o le LBJ i le taeao ananafi, ua atagia mai ai le si’itia pea lea i luma o tulaga i le tautua atoa ai ma le auaunaga a le falema’i mo le atunu’u.
 



LOLO: E le agava’a maua ma le Lutena Kovana i ‘payout’

ausage@samoanews.com

Na fa’aaoga e le afioga i le ali’i kovana ia Lolo Matalasi Moliga le fonotaga a lana Kapeneta i le vaiaso nei, e fa’amanino ai se tasi o mataupu na fesiligia i le taimi o le iloiloga a le Komiti Soofaatasi o le paketi a le Fono Faitulafono i le vaiaso ua mavae, e fa’atatau i le agava’a lea o le kovana ma le lutena kovana i totogi fa’ai’u (payout), pe afai o le a latou tuua le Ofisa ma galuega o lo o galulue ai.
 



Tala otooto mai le Fono Faitulafono

ausage@samoanews.com

TALIA MAOTA O SUI SUIGA A LE SENATE
 
Na fa’ai’u le fonotaga a Komiti Teuteu a maota e lua i le taeao ananafi, i le taliaina lea e le Komiti Teuteu a le maota o sui o suiga ua mae’a ona pasia e le Senate, i le pili sa talosagaina e le faigamalo a Lolo ma Lemanu, e tu’u atu ai le malosi i sui o le Ofisa o Tiute latou te sailia ai uta mai fafo, e fa’aaoga i ai masini fa’ata (scanner), atoa ai ma le fa’ae’e lea o totogi mo pisinisi ma tagata ta’ito’atasi, mo le siakiina o a latou uta mai fafo.



Fuafua le tatalaina o le Falepuipui fou i le vaiaso fou

ausage@samoanews.com

O le tatalaina ai o le Falepuipui fou a le malo i Tafuna i le aso Tofi o le vaiaso fou, e pei ona fa’amaonia i le fonotaga a le Kapeneta sa usuia i le vaiaso nei i le potufono a le Ofisa o Fa’atoaga a le malo i Tafuna, o le a mafai ai ona foia ni isi o fa’afitauli ua tele tausaga o fetaia’i ma le Matagaluega o le Puipuiga o le Saogalemu Lautele, e pei o le sosola i tua o pagota, aemaise ai o le sao atu i totonu o le toese o ni isi o mea faitino e le tatau ona umia e pagota e pei o telefoni ma fualaau fa’asaina.
 



Tete’e Fatulegae’e tu’uaiga lona avatu o tama’ita’i talavou i lona Ofisa

ausage@samoanews.com

“.... ou ke le o aumaia gi fafige ma gi kama’i keige i lo’u ofisa, pau fafige ma kegeiki o lo o gasolo mai i lo’u ofisa, o kagaka paloka o lo’u ikumalo...”
 
Na matua teena malosi e le afioga i le ali’i Faipule mai le Itumalo o Vaifanua ia Fatulegae’e Palepoi Mauga i le vaiaso na te’a nei, tu’uaiga e fa’apea o lo o ia la’u atu tama’ita’i e aofia ai teine talavou i totonu o lona Ofisa mo le faia o ni a latou mafutaga.
 



Osofa’i Leoleo nofoaga sa faia ai fefa’atauaiga o aisa ma feusuaiga

ausage@samoanews.com

Ua tapunia nei le nofoaga lea sa avea ma nofoaga e fai ai fefa’atauaiga o fualaau fa’asaina o le aisa ma feusuaiga ma tama’ita’i (tulou), ina ua fa’asea se tasi o tagatanu’u e ana le fale i Leoleo i le fa’aaoga e ni tagata o lona fale tu’ufua e aunoa ma se fa’atanaga, ma aga’i atu ai loa Leoleo e tali i le valaau.
 



Lua kamupani o lo o sapalaia fualaau fa’asaina

ausage@samoanews.com

Na fa’amaonia e le Komesina o le Matagaluega o Leoleo i luma o le fonotaga a le Kovana ma lana Kapeneta i le taeao ananafi, e 2 ni kamupani eseese i le atunu’u, po o nofoaga eseese fo’i ua fa’amaonia i sailiiliga a le Ofisa o Leoleo, o lo o latou sapalaiina fualaau fa’asaina i vaega eseese o le atunu’u, ae mafuli lava i le pauta oona o le aisa.
 



Fautuaina Loia Sili le Kapeneta ina ia tausisi tulafono aso o le palota

ausage@samoanews.com

Ua fauatuaina e le Loia Sili a le malo ia Talauega Eleasalo Ale sui uma o le Kapeneta a le ali’i kovana ananafi, ina ia tau solomua ia te i latou ona tausisi i le tulafono o palota i le aso tonu o le palota, ma ia tausi le filemu pe afai e i ai ni fa’aletonu e molimauina i le aso o le palota.
 



Fa’amaonia Pulenu’u o lo o maua totogi ae le o nonofo totonu o nu’u

ausage@samoanews.com

Na fa’amaonia mai e le Kovana o le Falelima i Manu’a, le afioga ia Misaalefua J. Hudson i le Samoa News, le moni o fa’asea fa’asaga i se tasi o ali’i pulenu’u mai Manu’a, o lo o fa’aauau pea ona maua lona totogi ae le nofo i totonu o le nu’u ma fa’atino ona tiute fa’a Pulenu’u.
 



Syndicate content


Comment Here