Le Lali

FA’ATULAGA LE ASO E FAIA AI LE FAAMASINOGA AUTU O MIKE SALA
 
Ua sauni Mike Sala mo lona faamasinoga autu lea ua faatulaga i le aso 23 o Setema 2013 i lona moliaga o le ave taavale ‘ona, na afua mai i se faalavelave na tulai mai i Laulii i le masina o Ianuari 2013, ina ua taia i le pito i tua o lana taavale se tagata sa kolosi i luga o le alatele.
 
O lo o tumau pea poloaiga a le faamasinoga o lo o tatala ai Sala. o se tasi na avea muamua ma Faatonusili o le Matagaluega o le Puipuiga o le Saogalemu Lotoifale.

O le tele ai o se vaega tupe o le a le toe maua e le Matagaluega o Uafu ma Taulaga, talu ona amata faamamalu le faatonuga a le alii kovana e ave fua uma ai uta tagata i Manu’a e aunoa ma se totogi, na taua ai e le Faatonusili o le Matalugaega ia Taimalelagi Dr. Claire Poumele Tuia e faapea, afai e mana’omia e le matagaluega se isi vaega tupe e faaleleia ai le vaa pe afai e tula’i mai ni faaletonu i le lumana’i, e leai lava se isi e sulu i ai le matagaluega ua na o le malo lava.
 

Ua tuuina atu nei e le Vaega o Faamasinoga o Fanua ma Suafa o le Faamasinoga Maualuga a Amerika Samoa, le manumalo mo le umia o le suafa Faiivae o le afioaga i Leone ia Iuli Alex Godinet ina ua maea ona iloilo e alii faamasino molimau ma faamatalaga uma na tuuina atu e itu e lua o lenei mataupu.
 

Na faailoa e le afioga i le kovana sili ia Lolo Matalasi Moliga i faiaoga uma o le atunuu i le Aso Faraile na te’a nei, o le a ia faia gaioiga uma ina ia mautinoa ai e totogi i latou e tusa ai o le agavaa ma le tomai ua latou ausia i le galuega faa faiaoga.
 
Na taua e Lolo e faapea, ua maea ona ia faatonuina le faatonusili o Aoga a le malo, ina ia tuuina atu se ata faata’ita’i mo totogi tala feagai mo faiaoga, ina ia mautinoa e talafeagai le totogia o i latou ma le galuega o lo o latou faia.