Login

Le Lali

Talia afioaga Nu’uuli valaaulia mo le pese & siva o le Fu’a

ausage@samoanews.com

Ua talia aloaia e le afioaga o Nu’uuli suiga lea ua faia e le Komiti o le Fu’a mo lenei tausaga, i lalo o se fautuaga mai le afioga i le alii kovana ia Lolo Matalasi Moliga, ina ia aveese mai le pese ma le siva lea sa tu’uina atu i le afioaga i Masefau latou te tauaveina, ma fai ai i latou ma sui o le Falelima i Sasa’e mo fa’afiafiaga o le fu’a i lenei tausaga.
 



Popole Fono tulaga fa’aletonu o lo o i ai tupe maua malo

ausage@samoanews.com

Ua fa’aalia e ni isi o senatoa ma faipule o le fono faitulafono i le vaiaso nei so latou popolega tele o lo o i ai, i le tulaga fa’aletonu o lo o i ai tupe a le malo i le taimi nei, fa’atusatusa lea i le ripoti lea sa tauaao atu e le Ofisa o le Tupe a le Fono i le vaiaso na te’a nei, i le maualuga sa o o i ai tupe ao a le malo mo le Kuata muamua o le tausaga tupe lenei, lea e aofia ai Oketopa, Novema ma Tesema 2015.
 



Tolopo iloiloga Senate mo le Litaea se’i mae’a suesuega Leoleo

ausage@samoanews.com

Na fulisia le maota maualuga i le aso ananafi e lagolago le mau na fa’atula’i e le afioga i le ali’i senatoa ia Galea’i M. Tu’ufuli, ina ia tolopo le iloiloga a le senate sa fuafua e fesiligia ai le Komiti o le Litaea a le malo, se’i mae’a su’esu’ega a leoleo o lo o fa’agasolo e uiga i lenei mataupu.
 



Poloketi fa’asaeanisi A’oga Maualuga

“Ua atili ona faigata ona maua ni poloketi fa’asaeanisi e manumalo, aua ua matua lava tapena le fanau a’oga maualuluga i a latou poloketi, o folasaga e sapaia ai latou mau fa’aalia, ae maise o le sailiga mae’a ua latou tapena i ai, ia malamalama le ‘auga o le latou mataupu fa’ailo,” se tala lea mai le tama’ita’i o Magdaline Augafa lea e fa’auluulu i ai lea fa’aaliga a a’oga tulaga muamua ma a’oga maualuluga fo’i.
 



Olaga Le Tumau

Vaega: 131
 
Fa’afeiloa’i atu ma fa’atalofa atu i le mamalu o le atunu’u i lenei taeao fou, taeao toto’a, taeao manuia i le alofa ma le agalelei o lo tatou Matai oi le lagi, e ao ai ona o tatou fa’apea ifo, “Le Atua e, o au afioga, o le sulu lea i o matou vae ma le malamalama i o matou ala, ia vi’ia pea Oe e fa’avavau, fa’avavau lava. Amene.
 



Fa’ateia Masefau ina ua toe aveese Komiti Fu’a latou pese ma le siva

ausage@samoanews.com

Na matua fa’ateia le afioga i Masefau ina ua faia le fa’aiuga a le Komiti o le Fu’a i se latou fonotaga sa faia i le aso Lua na te’a nei, o le a aveese mai le pese ma le siva ua mae’a ona tu’uina atu latou te tapenaina, ae tu’u atu i le afioaga o Nu’uuli.
 



Tala otooto mai le Fono Faitulafono

ausage@samoanews.com

PASIA FAIPULE PILI PAKETI FAAOPOOPO A LE KOVANA
 
E 17-0 le palota na pasia ai e le maota o sui i le taeao ananafi le pili mo le paketi faaopoopo a le ali’i kovana ia Lolo Matalasi Moliga, e fa’asoasoa atu ai le aofa’i e $2.5 miliona e faatupe ai ni isi o galuega atina’e a le malo.
 
O le faaiuga a le maota o sui e pasia ai lenei tulafono taufaaofi, sa faia lea ina ua mae’a sa latou iloiloga sa faia i le vaiaso nei, lea sa latou talanoaina ai se fa’aiuga talafeagai e uiga i lenei mataupu.



Litaea: Teena fautuaga Nua mo se iloiloga fa’alilolilo

ausage@samoanews.com

E le’i talia e le maota maualuga i le taeao ananafi se fautuaga na fa’atulaga e le afioga i le sui peresetene ia Nuanuaolefeagaiga S. Nua, mo se avanoa e faia ai se “iloiloga fa’alilolilo” a le Komiti o le Litaea a le maota maualuga ma totino o le Komiti o le Litaea a le malo, ona fa’atoa faia ai loa lea o le iloiloga masani e fesiligia ai mataupu e fia malamalama i ai afioga i senatoa.
 



Tusi aualofa i manamea - Toa Samoa ua maliliu

O matua ma aiga o Toa Samoa ua amia o latou ola a’o tautua i vaega au a le Malo tele, lea ua fa’aigoaina le latou Sosaiete o le “Love Letters Survivors” ua fa’atulaga e i latou se sauniga fa’apitoa mo lenei vaitau o “Manamea” e toe fa’amanatu ai e pele ia i latou ua to’esea a’o tautua.
 



TALA O LE LALOLAGI

FAALAUILOA ATA O PAGOTA O LE TAUA
 



Syndicate content


Comment Here