Login

Le Lali

Tele fa’amanuiaga maua mai le Faletupe Fou

ausage@samoanews.com

Na manino i molimau a sui o le Komiti Fa’afoe o le Faletupe a le Teritori o Amerika Samoa atoa ai ma sui o le pulega o le Faletupe, ina ua molimau i luma o le Komiti o le Fa’agaioiina o le malo a le Senate i le taeao ananafi, le tele o auala eseese e mafai ai ona fa’amanuiaina tagatanu’u o le atunu’u i le tautua a le Faletupe fou pe a tatala i le aso Gafua o le vaiaso fou.
 



Tele isi fa’amatalaga fou fa’asaga ali’i pagota na maua maliu Umukuka

ausage@samoanews.com

E tele isi fa’amatalaga fou ua mafai ona maua e le Samoa News e fa’atatau i le fa’alavelave lea na maua ai se ali’i pagota o lo o maliu i totonu o le umukuka a le toese i Tafuna.
 
O ni isi o ia fa’amatalaga e aofia ai le fa’atamala o ali’i Leoleo sa tiute i le po na tula’i mai ai le fa’alavelave, ina ua talosagaina se fesoasoani e ave ai le ali’i pagota ua maliu i le falema’i, peita’i na mumusu i laua e ave le ali’i pagota i le taimi na tigaina ai lona gasegase.
 



Fuafua se polokalame fou mo pagota o lo o taofia i le toese

ausage@samoanews.com

Ua i ai se polokalame fou ua sauni le Matagaluega o le Puipuiga o le Saogalemu Lautele, e fa’atinoina mo ni isi o ali’i pagota o lo o tuli a latou fa’asalaga i le toese, ina ia mafai ai ona maua ni isi auala e maua ai ni a latou vaega tupe e fesoasoani ai i le tausiga o latou aiga, atoa ai ma le totogiina o a latou salatupe i le fa’amasinoga.
 



Fa’ailoa Fiaui mamafa fa’asalaga fa’asaga i tagata e le totogia salatupe

ausage@samoanews.com

O se tasi o mataupu na mafai ona fa’asoa e le Loia Fautua mo Tagata Lautele, i luma o le Komiti o Mataupu Tau Tulafono a le maota o sui i le vaiaso na te’a nei, o le fa’afitauli o lo o fetaia’i ma tagatanu’u i le fa’asala lea e le fa’amasinoga o i latou i le toese i Tafuna, pe afai e le mafai ona totogi a latou salatupe.
 



Maliu se ali’i pagota i totonu o le toese

ausage@samoanews.com

O le fa’aiuga o le vaiaso na te’a nei na maliu ai se ali’i pagota a o tuli ai lona fa’asalaga i totonu o le toese i Tafuna. I le fefiloi ai o le mau ripoti e fa’atatau i le maliu o lenei ali’i pagota, na mafua ai loa ona fesiligia e le Samoa News le Komesina o Leoleo mo le fa’amaninoina o lenei mataupu.
 



Fuafua le isi malologa a le Fono Faitulafono mo le vaiaso e tasi

ausage@samoanews.com

E tasi le vaiaso lea ua fuafua le Fono Faitulafono e faia ai sana malologa puupuu, ona toe fa’aauauina loa lea o ana galuega mo le fa’amae’aina o aso fa’atulagaina o lana tauaofiaga mulimuli mo lenei nofoaiga lona 34.
 
I le iugafono malilie fa’atasi a le maota o sui lea na pasia i le taeao aanafi, o lo o taua ai le tatau lea ona faia se malologa a maota e lua mo le umi e tasi le vaiaso.
 



Tala otooto mai le Fa’amasinoga

ausage@samoanews.com

TOFU FALEPUIPUI VEVESI AMATA MAI I LE ‘FACEBOOK’
 
Na fa’ai’u i le toese i Tafuna se vevesi na tula’i mai i le va o se ulugali’i i le fa’aiuga o le vaiaso na te’a nei, ma mafua ai loa ona molia e le malo le Tama o le aiga i moliaga mama e lua o le fa’atupu vevesi i nofoaga faitele, atoa ai ma lona save’uina lea o le filemu i totonu o lona aiga.
 



Toe sauni fo’i Senate fesiligia Komiti Fa’afoe Faletupe fou a le malo

ausage@samoanews.com

O le taeao nei lea ua fa’atulaga e faia ai le isi iloiloga fa’apitoa a le Komiti o le Fa’agaioiga o le malo a le Senate, ma sui o le Komiti Fa’afoe o le Faletupe fou a le malo lea ua fa’amoemoe e tatala i le masina fou, mo le fa’amaninoina o ni isi o mataupu e tatau ona silafia atili e le atunu’u.
 
O le afioga i le ali’i senatoa ia Tuiasina S. Esera na folafolaina le iloiloga ananafi, ma ua fa’amoemoe e komiti aoao i ai le maota maualuga.
 



E LE O OE O SE SULI MONI - Vaega IX

Na vaaia e le tamaloa o Meki le to’a o le teineititi o Ianete i le taimi na la talanoa ai, o lana gagana ma le auala sa ia feso’ota’i atu ai ia te ia, na iloa gofie ai o ia o se teineititi e fa’aaloalo i soo se tagata. Na oomi e Ianeta le logo o loo i pipi’i i le fasitepu pito i lalo o le fale, a o tu le tamaloa o Meki ma vaavaai i ai, e le i umi ae fa’alogoina se leo o fa’apea mai, “O le a se mea e te mana’o i ai lou teineitiiti pologa”.



Talitonu Kovana e le fou fa’afitauli ova taimi tagata faigaluega malo

ausage@samoanews.com

I le avea ai o le mataupu e fa’atatau i “Ova Taimi” a tagata faigaluega a le malo, e le o se mataupu e fou i le faigamalo a Lolo ma Lemanu, na fautuaina ai e le afioga i le ali’i kovana ia Lolo Matalasi Moliga lana kapeneta i le fonotaga i le vaiaso na te’a nei, ina ia mata’ala i tulaga o ova taimi a tagata faigaluega, aemaise lava i matagaluega o lo o aofia ai tulaga o tupe a le feterale, ina ia mautinoa e totogi ova taimi.
 



Syndicate content


Comment Here