Archive - May 13, 2012 - Le Lali / Linking Samoans / Our Troops

E leai se isi itu e pito sili ona foliga felanulanua’i ai ai le Aso Sa mo Tina i lenei tausaga i le atunu'u, nai lo le tulaga i le fa'aletonu o le tamaoaiga o ni isi o aiga, atoa ai ma mafutaga ma tina ua motusia.

E le gata i fanau ua latou misia nai o latou tina, ae o'o lava fo'i i tama ua maliliu nai o latou ta’ito’alua, o lo o fa'apena fo’i ona su’ifefiloi o latou lagona ina ua le so'o le 'ula ma ua le nofoia fo'i le nofoa o tina i totonu o le aiga.

Ua iloga mai le aoga o le si’itaga ua i ai nei i le tomai a’oa’oina i le aufaigaluega i le fono ina ia mafai ona fa’aaoga iPads e faia ai fa’amaumauga, ma taina ai fo’i pili ma tusitusiga umae  ao ina faia mo pili, a’o le’i iloiloina ma pasia.

O le aso ananafi na tatala aloa’ia ai le Maota Fou o le Galuega a le Worship Center i Happy Valley, fa’atasi ai ma la latou Leitio Fou o le ‘FM 905 KPPO’ ua mae’a fa’atulagaina ai, ma ua mae’a fo’i ona fa’aaogaina mo le “tala’iga o le malo o le Atua, ia televave ma ia lagona e tagata uma o so ’o se ituaiga ma so ’o se gagana.”

O lea fo'i ua toe saputu mai le tele o fa'asea mai le atunu'u fa'asaga i le falema'i o le LBJ, ina ua fa'alauiloa e le pulega a le falema'i a latou si'itaga fou i totogi o ni isi o ana tautua, lea ua fa'amoemoe e amata fa'amamalu i le aso 21 Me.

O ni isi o ia fa'asea sa tu'u sa’o atu e le atunu'u i le ali'i kovana, e fa'atatau i le fa'aletonu o le tautua a le falema'i o lo o tu'uina atu i le atunu'u, ae maise lava i le Fale Talavai.

E to’atele ni isi o le atunu'u ua valavala'au atu i le kovana i luga o lana polokalama i fa'ai'uga o vaiaso, ma latou talosagaina o ia pe mafai ona toe tauva i le tofi mo le 4 tausaga o lo o soso’o nei.

E le o mautinoa pe taufa'ase'e nei vala'au aua o lea ua silafia e le atunu'u, e le toe agava'a le matua ia Togiola Tulafono ona toe tauva i le tofi kovana mo se isi nofoaiga, ona o lea ua mae'a le taimi fa'atulagaina e tatau ai ona tauva mo le tofi.

Fa’amasinoga Fa’avaomalo i Sierra Leone - Faia le I’uga e le Fa’amasino Samoa - Judge Richard Brunt Lussick

[Soso’o ane loa lau faitau i le toe soso’oina o la tatou tala fa’asolo, lea na gata mai i le vaiaso na te’a nei i le taimi lea na faliu ai Lorina o le a savali ‘ese mai le nofoaga lea o le a fa’ataunu’u ai le fa’asalaga o le oti i  si ona tuagane, ae ona fa’alogoina loa se tagata o vala’au atu i lona igoa, Lorina! Lorina ea!.]

[Malo le faitau, malo fo’i le onosa’i, ae alo mai loa o le toe soso’oina lenei o la tatou tala fa’asolo, lea na gata mai i le vaiaso na te’a nei i le taimi lea ua galue ai Fatu i lana galuega fou, o le la’uina lea o ana ato niu e fa’atau savali i le taulaga, e maua ai se tupe e fesoasoani ai i pili a’oga a nai ona tei laiti o lo o fa’atali mai i lo latou aiga i Amouta i Savai’i.]

O le tasi toeaina na alu i le lagi e matamata, na alu atu o le mea matautia lava le lagi, e fola uma i ma'ataua luga, i ai penina, o auro ma ma'asoama, o ario ma isi lava ma'ataua ua le masino.

Na tago atu loa le toeaina i lana ato ua fu'e ai ma'ataua, ua le iloaga se ma'ataua, uma loa sau loa ma le toeaina, oso mai loa i le auala lea na tu atu ai Peteru.

Fai atu loa i le toeaina Peteru, "Sole o a na mea ie totonu o lou ato ?."