Archive - Apr 2012 - Le Lali / Linking Samoans / Our Troops

Saunoaga mulimuli fa’alekovana a Togiola

O le alii mai Vaitogi lea o loo tuuaia i lona so’aina lea o se alii i lana taavale, atoa ai ma lona sasaina o lona tino i se pate kirikiti, ua tuuaia nei e le malo i moliaga mamafa e tolu e aofia ai lona taumafai e faaoo le maliu i se tagata, lua moliaga o le faaoolima i le tulaga muamua, atoa ai ma isi moliaga laiti e aofia ai le faatupu vevesi i nofoaga faitele, sola ese ma le nofoaga na tupu ai le faalavelave, atoa ai ma lona le faailoaina i leoleo o le faalavelave na tupu.

FA’AOLAINA SE ALI’I 23 TAUSAGA NA SOGI E SE ‘ONA I LE PELU

Na fa’aalia e se ali’i e 23 tausaga mai i le afio’aga o Malie, le fa’amanuiaina tele o ia, ina ua mafai ona fa’aolaina mai o ia, ina ua osofa’ia o ia e se ali’i ‘ona ma se agaese.

Na fa’amatala e Olosega Hunt, le laki tele o ia ma o se lesona ua na mafai ona a’oina mai i lenei fa’alavelave, o le aua lea ne’i ona toe fa’afetauia se tagata ‘ona.

E ui e le’i i ai se au mai Amerika Samoa nei na faamanuiaina i faaiuga maualuluga i le taamilosaga taitoa 7 faavaomalo a le TMO Pago Marist i le faaiuga o le vaiaso na te’a nei, peitai o le silasila a nisi o alo mai Samoa ua lauiloa i lenei taaloga, sa latou taua ai le maualuga ma le mataina o le tulaga lea ua i ai le lakapi i le atunuu i le taimi nei.

E lei tele ni aso na va ai le taimi lea na taofia ai e FBI i Honolulu i tagata se toafa i lo latou umia faasolitulafono o fualaau faasaina, ae tali ioe loa le alii o John Tai, o ia lea fai mai sa faauluulu i ai le vaega e umia fualaau faasaina, i lona umia lea o ni vaega o fualaau faasaina, mai le isi foi mataupu lea na faila e le feterale i le tausaga na tea nei.

O lo ua atoa tino o le Tama, ua o gatasi fo’i le futia ma le umele i le loto o le tagata ma lana faigamalo ma le finagalo le seua o le Atua, ua fa’ataunu’uina ma le manuia le fa’amoemoe ua loa o epa i le foe, ina ia mafai ona umusaina le Maota o Amerika Samoa e fa’atautaia ai ana fonotaga masani e fia fa’atino fa’asamoa, i ni ana taligamalo ma le aga’i i luma o lona malo fa’ateritori o Amerika.

TALITONU TA’ITA’I OFISA SOIFUA MALOLOINA, E LEAI SE MEA E FA’APOPOLE AI LE ATUNU’U

Ua fautuaina e le pulega a le Ofisa o le Soifua Maloloina, le leai o se mea e fa’apopoleina ai le mamalu o le atunu’u, ona o le siama lea e ta’ua o le MRSA (Methicilin Resistant Stapihylocccus Aureus).

TO’A FILEMU POLOKA LEOLEO FAAIUGA VAIASO

E leai ni faalavelave matuia na tulai mai i le faaiuga o le vaiaso  na te’a nei, a’o alu atu le atunuu i le amataina o sauniga mo le faamanatuina o le 112 tausaga o lana sisiga fu’a i lenei vaiaso.

Mai le silia i le toa 10 na taofia mai e leoleo i le faaiuga o le vaiaso na tea nei ona o tuuaiga eseese e aofia ai le faatupu vevesi i nofoaga faitele, atoa ai ma le ave taavale ‘ona,

Ua te’ena e le Fa’amasinoga Maualuga se talosaga a se ali’i pagota, ina ia toe faia se isi ona fa’amasinoga fou, a’o faaauau pea ona tuli lona faasalaga faafalepuipui e lima tausaga, i le toese i Tafuna.

O Michael Agasiva, na ta’usala e le faamasinoga i le aso 15 Setema 2011 i moliaga e lua, e aofia ai le faaoolima i le tulaga lua, ma  le faatupu vevesi i nofoaga faitele.

Ua toe fa’afo’i atu e le kovana i le Fono Faitulafono, la latou pil lea na pasia, e faasoasoa ai le $60.373 miliona, e avea ma Paketi a le ASPA, e aunoa ma sana faaiuga ua faia i ai.

I se vaega o le tusi a le afioga i le matua ia Togiola Tulafono na tuuina atu i taitai o le Fono, o le Mataupu 2 o le Vaega 9 o le Faavae o Amerika Samoa o lo o taua ai e faapea, afai e teena e le kovana se pili e pasia atu e le Fono, e mafai ona toe pasia e le fono e ala i le 2/3 o le maota taitasi.