Archive - Mar 7, 2012 - Le Lali / Linking Samoans / Our Troops

O le ulua’i alii lea na tu’uaia e le malo i le tausaga na te’a nei, i le solitulafono, o lona taumulimuli i se isi tagata, ina ua fa’atoa pasia le tulafono lenei i le 2010, sa ia ta’utino i luma o le Fa’amasinoga Maualuga, e fa’amaonia tu’uaiga uma ma fa’amatalaga a le malo fa’asaga ia te ia, e tusa ai o le fa’alavelave sa tulai mai i le tausaga na tea nei.

Ua masani le Ofisa o Fa’amaumaua & Fa’afailele Mata’aga o Amerika Samoa, o se tasi o Ofisa o lo’o fa’atautaia e le Ofisa o le Kovana Sili o le tatou Malo, e fa’asalalau mai le latou mau, ina ia fa’aulu atu nisi o manatu e mafai ona fa’atautaia ai nisi o galuega ma’oti mo lenei tausaga fa’aletupe a le latou Ofisa, peita’i, e matele ina leai ma se tasi e o’o atu i latou fonotaga fa’apenei.

MALIU SE TAMAITITI NA LOKA I TOTONU O SE TA’AVALE

O lo o faia nei su’esu’ega a leoleo, i se fa’alavelave na tula’i mai, lea na maliu ai se e tamaititi e tolu tausaga, ina ua moe i totonu o le ta’avale e lona aiga, ae o lo o i luga uma fa’amalama.

E tusa ai ma le molimau mai sui o le Komiti Faapitoa lea na tofia e le Kovana la te suesueina tulaga tau tupe a le falemai o le LBJ, na o la taua ai i luma o le Komiti o le Falema’i/LBJ a le Senate le i ai lea o se manaoga tau tupe i le falemai, atoa ai ma le latou aitalafu i pili e lei totogiina atu e silia ma le $16 miliona.

O lo’o ua fa’aalia mai se tasi o tama’ita’i ua fa’amanuiaina ana talosaga i le Atua ina ia avea o ia ma Failauga o lana Upu folafola i le ekalesia ua ia tausailia ai lea tofi, le ekalesia Presbyterian PIPC.

Afai ae pasia e le Fono le pili tupe lea na faaulu i le taeao ananafi i maota e lua, e faasoasoa atu ai le aofaiga e $2 miliona, o lona uiga o le a tauaaoina foi e le falema’i o le LBJ seisi $2 miliona e fesoasoani atili ai i le tulaga pagatia o lo o feagai ma i latou i le itu tau tupe.

O le masina na tea nei na tauaao atu ai e le kovana i le pulega a le falemai le nonogatupe e $3 miliona na pasia atu e le Fono, e fesoasoani ai i le tulaga pagatia o loo i ai le falemai i le itu tau tupe.

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!

Upu:ARCHEAOLOGIST

Talimalo le aiga o Mikaele i le malaga mai Samoa

O le sa pele i le loto, ua mou malie ‘ese atu i le va’ai. Ua na o le toe fia va’ai atu i ai ae ua leai se tasi e toe nofo mai. Ua lagona ai le matuitui ma le tiga o le nofo valavala ma le va i vasa.

O le ulugalii lea na o la au to’alua i le sasaga o le la tama teine i le faaiuga o le vaiaso, ua molia nei e le malo i moliaga o le fa’ao’olima i le tulaga tolu ma le fa’atupu vevesi i nofoaga faitele, ae o lo o fa’aauau pea su’esu’ega a leoleo e uiga i lenei mataupu, pe i ai nisi moliaga e ono toe faila faasaga i le ulugalii.

E le o faalauiloaina igoa o le ulugalii ona o puipuiga lava i lalo o le tulafono mo le teineititi o loo aafia i lenei mataupu.