Archive - Mar 22, 2012 - Le Lali / Linking Samoans / Our Troops

O se tasi o mafua’aga na ta’ua e le tofa ia Niuatoa Andy Puletasi, na mafua ai ona fa’atonu e le feterale le LBJ e toe totogi atu le silia i le $9 miliona, o tupe sa tuuina mai i le polokalama o le Medicaid, ona ua ova pili a le falemai i tupe faaalu a le polokalama, ae e le o  tusa ai ma auala o lo o fai mai le polokalama e fa’aalu i ai tupe.

 i le fuafuaga a le malo

E foliga mai e to’atele ni isi o avepasi ma ave taxi, e le o lagolagoina le fuafuaga fou a le Matagaluega o Fefaatauaiga ma Alamanuia (DOC), lea ua faalauiloa mai i le vaiaso nei, e faamalosia ai le tatau ona i ai ni faitoto’a faapitoa i le pito i tua o pasi, e mafai ona fa’aaoga i taimi o fa’alavelave fa’afuase’i.  Ae mo taxi, e tatau ona tofu luga ma autafa, ma faailoilo, e faailoa atu ai o lea taavale o se taavale la’u pasese.

Ua i luma o le Faamasinoga Feterale i Okalani i Kalefonia, se fautuaga a le malo feterale, mo se faasalaga e tatau ona tuuina atu mo Julie Matau, lea sa avea ma faatonu o vaega tupe o le feterale a le Ofisa o le U’una’i Legal Service Corporation, lea ua tapunia nei, atoa ai ma lana tama teine o Andrea Matau, lea sa fesoasoani ia te ia.

O Julie Matau, 49 tausaga le matua, na  tali ioe i le moliaga o lona tuuina atu o ni faamaumauga sese, ae o Andrea Matau na tali ioe i le moliaga mama o lona gaoia o tupe a le feterale.

Ua iai le fuafuaga fa’ataoto a Niu Sila ua sauni e fa’amalosia ma e matua fa’afaigata atili ai ona talosagaina ni visa e malaga fa’atasi ai se aiga atoa i Niu Sila ma nonofo mau ai, ae ua amata ona fa’amalosia mai le aga’i ese o tamaiti ua silia i le 18 tausaga mai matua.

LEILUA TUITELE

Ua poloa’ina e le fa’amasinoga ia le fa’asalaina o Leilua Tuitele, i le to’ese i Tafuna mo le 90 aso, ina ua fa’amaonia lona fa’afoea o se ta’avale, ae o lo o se’i lona laisene aveta’avale.

Ua i luma o le Fono Faitulafono se faasea mai i afioaga uma o le itumalo o le Maoputasi, i le fa’afitauli lea ua maitauina e le o fa’aitiitia i le taimi nei, i le fa’aotaota o va’a i lona gataifale, e aunoa ma se fuafuaga o faia i ai.

O le mataupu lenei na tuuina atu e le afioga i le Senatoa ia Mauga Tasi Asuega i se iloiloga sa faia a le Senate i le lua vaiaso talu ai, peitai o lea ua toe faamanatu e le afioga i le Maopu ia Pulu Ae Ae Jr.

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!

“Lau susuga i le Fa’afeagaiga ma le Faletua, o le a ea se upu o le mafai ona agai ai la oulua fa’alaeia’u e ala i upu fa’amafanafana ma tima’iga….ou te talitonu ua oulua au maia le filemu o le Ali’i…ua mapu ai lo’u loto…fa’afetai…fa’afetai tele.