Archive - Mar 2, 2012 - Le Lali / Linking Samoans / Our Troops

Ua pasia e le maota o faipule i le vaiaso nei le pili tupe na faaulu e le alii kovana, e faasoasoa atu ai le aofaiga e $100,000 e faatupe ai nisi o manaoga taua e pei ona fuafuaina e le malo, e pei o le $50,000 e faamaea ai le fausiaina o le Fale Samoa a le malo i Utulei, ma le $50,000 mo le au taaalo football a tamaiti aoga lea na auina atu i Ausetalia i le vaiaso na tea nei.

E 12-6 le palota na pasia ai e le maota o sui lenei pili, ma ua i luma nei o le maota maualuga mo sa latou faaiuga.

ALOSIO LEPOU

O le tama matua pe a ma le 60 tausaga, lea na tulai i luma o le Faamasinoga Faaitumalo i le taeao ananafi, ona o tuuaiga i lona faaaogaina lea o se telefoni e faalavelave ai i se tamaitai, ua poloaina e le faamasinoga o ia e aua nei ona toe faia nisi lava gaioiga e faalavelave ai i le mafine lea, e ala i lona faaaogaina o se telefoni poo fesootaiga foi i luga o le facebook.

Na taua e le taitaifono o le Komiti Faafoe a le Vaega o le Litaea, i le iloiloga a le komiti o sui i le aoauli ananafi, e le lava se tupe o i ai i teugatupe a le litaea, e faatupe ai le pili tupe lea ua fa’aulu e le kovana, e nono mai ai le $8 miliona, e fesoasoani i le tulaga mafatia o lo o feagai ma le falemai o le LBJ.

Na taua e Aleki Sene Sr e faapea, e na o le $6.7 miliona le tupe o lo o mafai e le Vaega a le Litaea, ona nono atu i tua i le taimi lenei, pe afai e finagalo i ai le fono.

Ua mae’a ona fa’atautaia tu’uga fa’ai’u o le Ta’amilosaga o Ta’aloga Afeleti i le tatou vasega o A’oga Maualuluga i le teritori, ma ua mae’a fa’amauina fo’i le sui ma lona taimi na ia tamo’e ai i le mamao na fa’atulaga mo le tauvaga. E tolu a’oga maualuluga sa tauva i lenei tausaga, peita’i, e to’aono a’ogana amatalia mai ai le liki lava lenei i le amataga.

O le ripoti lea na faasalalau e vaega faasalalau i leitio ma nusipepa, faavae mai lea i le molimau a le alii pule o le Ofisa Faanofovaavaaia i luma o le Faamasinoga Maualuga, i le tulaga o loo i ai le toese i Tafuna i le taimi nei, na faateia ai nisi o Senatoa ma lagalaga ai o latou finagalo e uiga i lenei mataupu.

Ua i ai le polokalama fou ua fa’amalosia nei i le Malo o Fiti mo a latou Leoleo uma lava, e ao ina e pasia lelei au fa’amalositino i aso ta’itasi, ma ia fa’amaumau atoatoa le aofa’iga o lou auai i fa’amalositino i vaiaso ta’itasi.

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!

Upu:  CELL

Sauni le malaga a Loimataoapaula ma Eteuati mo Tutuila