Archive - Mar 12, 2012 - Le Lali / Linking Samoans / Our Troops

Ua toe taoto atu nei i le Komiti o le Litaea a le maota o sui le pili a le Senate na pasia e le maota maualuga i le aso Lulu na te’a nei, mo le toe faia i ai o nisi o gaioiga a’o le’i toe tu’uina atu i luma o le maota mo le faia i ai o sa latou faaiuga, ma ua manino mai ai o le a le maua e le falemai se isi fesoasoani tau tupe mai le Fono sei vagana ua valaau e le alii kovana se fono faapitoa ona faatoa mafai lea ona maua se isi avanoa e toe iloilo ai e le Fono le pili tupe lenei.

O se va’aiga i le fanua ua mae’a ona fa’apa’iaina ma saunia aua galuega mo le fausia o se malumalu fou mo le Ekalesia “Feagaiga Fou” i Tafuna.  O le Aso To’ona’i, Mati 4, 2012 sa fa’ataunu’uina ai sa sauniga pu’upu’u mo le fa’apa’iaina o lenei laufanua aua lenei galuega pa’ia. 

O le susuga i le Fa’afeagaiga ia Rev. Kato Fa’afetai Fuimaono o lo o fa’auluulu i ai le Ekalesia a le EFKAS Feagaiga Fou, i Tafuna.

TAU MALAE

O le alii lea o lo o tu’ua’ia e le malo i lona faia o ni amioga mataga i ni tei laiti o si ona faletua, ua fa’atulaga e le fa’amasinoga le aso 17 Iulai 2012, e faia ai lona fa’amasinoga autu.

PASIA SENATE PILI TUPE $100,000 A LE KOVANA

E 12-2 le palota na pasia ai e le Senate i le vaiaso na tea nei le pili tupe a le alii kovana lea foi na pasia e le maota o sui i le vaiaso na tea nei, e faasoasoa atu ai le $50,000 e fesoasoani ai mo le au football a tamaiti aoga e i lalo o le 19 tausaga, ma le isi $50,000 e faamaea ai galuega o le fale Samoa a le malo, lea o loo fausia i Utulei i le taimi nei.

Fort Bragg, NC – 1st Theater Sustainment Command welcomed a new command sergeant major during a traditional passing of the colors and change of responsibility ceremony held at the 1st TSC Headquarters building March 2.