Archive - Mar 2012 - Le Lali / Linking Samoans / Our Troops

Ina ua maua se feso’ota’iga a le tatou nusipepa nei ma se tasi o alo o Samoa i le NASA i le Malae o Va’a o le Vateatea i John F. Kennedy Space Center i Florida, sa fa’amautu mai loa sona taofi e ao ina fa’ailoa fo’i i lo tatou atunu’u lana fo’i 'au'aunaga o lo o fa’atautaia i lea nofoaga o va'a o le vateatea.

O ausiva e to’a 25 ia ua lautogia mo faafiafiaga o le fu’a i lenei tausaga, o le a faaoagaina lea e le Ofisa o le Arts Council e saili mai ai nisi e fai mai sui o Amerika Samoa, i le faamanatuina o Faaaliga lona 11 o Tu ma Aganuu a le Pasefika, lea e faataunuuina i le atu Solomona, e pei ona fa’amaonia mai e le Fa’atonusili o le Ofisa o le Arts Council, ia Leala Pili Elisara.

E silia i le $10,000 se tupe e ono mafai maua pe a fa’atauina atu pauta oona (aisa) ma mariuana, ia na maua e leoleo i ni a latou osofaiga sa faia i le vaiaso nei i nofoaga eseese i le atunuu.

O le faaiuga o ia osofaiga ua mafai ai ona taofia faapagota i le toese i Tafuna ni alii se to’afa, e faatali ai le taimi e tutula’i ai i luma o le Faamasinoga Faaitumalo.

Ua aloaia nei le avea o le afioga i le Maopu ia Levu Tula Solaita e fai ma Senatoa o le itumalo o le Ituau Malosi, ina ua maea se sauniga na faatautoina ai o ia i le taeao ananafi, i luma o le Senate.

O le afioga i le alii Faamasino Lagolago ia Logoai Siaki na fai ma sui o le Faamasinoga na te faatautoina le afioga Levu, a’o molimauina e afioga i Senatoa aemaise ai ona aiga ma le loaloa o le atunuu na mafai ona autova’a atu e molimauina lenei faamoemoe taua.

E ui i le tele o tusitusiga i le va o taitai o le atunuu e faailoa ai le agaga faafetai ona o galuega lelei o loo faia pea mo le atunuu, aemaise ai le tau sailiina o se fofo o le faafitauli o loo feagai ma le falemai o le LBJ, o le taeao ananafi na momoli aloaia atu ai e Togiola Tulafono lana faafetai i luma o Senatoa ma Faipule o le Fono, e tusa ai o galuega lelei o loo latou faia pea mo le atunuu.

Na teena e le Pule le tumau o le Ofisa o Ta’avale Afi a le malo o Tafuna se saunoaga e faapea, ua mafua ona naunau le malo e sui tulafono mo taavale la’upasese, ona o le naunau ina ia maua mai ni alagatupe mai fafo e fesoasoani ai i le faatinoina o a latou galuega i le teritori nei, aemaise ai o le taumafai lea e aumai tulafono a le feterale e faamalosi i totonu o le teritori.

O le tama’ita’i e 38 tausaga lea o lo o tu’uaia i lona kikiina o le ulu o le alii leoleo, a’o momoli atu e leoleo o ia i le Ofisa Autu mo isi suesuega, ua tuuaia nei e le malo i moliaga o le faaoolima i le tulaga tolu ma le faatupu vevesi i nofoaga faitele, ma le faamoemoe e ono mafai ona faila nisi moliaga faaopoopo faasaga ia te ia pe a mae’a suesuega o lo o faagasolo.

E tasi le tausaga ma le aso e tasi lea ua faasala ai e le faamasinoga feterale i Oakland i Kalefonia, le tina lea sa vaavaaia tulaga o tupe fesoasoani mai le feterale mo le Ofisa o le U’una’i Legal Service Corporation, i le falepuipui feterale, atoa ai ma lona toe totogia o le $159,763, ae o lona alo, ua faanofoaavaaia mo le tausaga atoa, faatasi ai ma le poloaina na te toe totogia se vaega tupe i le malo feterale.

KILISITINA SEIGAFO

O le tamaitai lea na ia gaoia le  $260 mai totonu o le teugatupe a se alii papalagi sa la eva, ua faamoemoe e fofogaina i le taeao nei lona faasalaga, i luma o le alii faamasino sili lagolago ia Lyle L. Richmond.