Archive - Feb 7, 2012 - Le Lali / Linking Samoans / Our Troops

“UA OI LE ATUNUU, UA SILI AI LE FAATALITALI OTI I LE FALE”

Na fa’aalia e le to’atele o le atunu’u na fa’atalatalanoa e le Samoa News i le taeao ananafi, i lo latou loto mafatia, ona o si’itaga a le falema’i lea ua amata ona fa’amalosia.

Na fa’alia e ni isi le le gafatia o tupe maua a aiga ia nei si’itaga, ae o isi fai mai ua le iloa pe aisea ua fa’apenei ai le fetotoa’i o ta’ita’i o le atunu’u, ae o lo o pagatia tagata.

O le gaioiga a kovana Togiola Tulafono e pei ona i ai le pili lea ua ia tuuina atu i le Fono Faitulafono i le aso ananafi, e toe fa’afoi atu ai le fa’atautaiga o le falemai o le LBJ i lalo o le faamalumaluga a le malo, ua manino mai ai le savali o le alii kovana i lana saunoaga sa faia i luga o lana polokalame i le aso Toonai na te’a nei.

Na faailoa e le alii Peresetene o le Senate i luma o le maota maualuga i le taeao ananafi, e le sa’o saunoaga a le kovana na fai i luga o lana polokalama i le faaiuga o le vaiaso na tea nei, i le i ai o ni pili tupe sa ia tuuina mai i luma o le Fono o lo o taofiofi e le  fono e le o faia i ai se galuega.

TIGAINA TURISI INITIA INA UA FASI I SE FALE KALAPU

O lo o fa’ata’otolia nei i le maota gasegase i Moto’otua ia se ali’i turisi Initia na fasi e ni isi i se fale kalapu i le po o le Aso To’ona’i na se’i mavae atu.  Na fa’amaonia lenei ripoti e se leoleo mai Tafa’igata, lea sa tiute i le falema’i.

TU’UA’IA NI LEOLEO I LE FA’ATAU FUALA’AU FA’ASAINA

MICHAEL LEATIGAGA & JOE LEOTA

O le taeao ananafi na tutulai ai i luma o le Fa’amasinoga Fa’aitumalo, ni alii se to’alua, ona o tu’uaiga fa’asaga ia te i laua, i lo la ave fa’agaoia o ni pusa wahoo mai le fale teu’oloa a le kamupani i’a o le StarKist Samoa, i le masina o Aokuso 2011.

Ua molia nei Joe Leota i moliaga e lua o le talepe fale ma le gaoi, ae o Michael Leatigaga ua tu’ua’ia i le gaoi atoa ai ma lona taliaina o ni oloa sa ave fa’agaoi.

O le tama’ita’i Amerika o Jessica Buchanan ua fa’asaoina mai o ia e le vaega a le Navy Seals e pei lava o le osofa’iga fo’i a lea vaega na fasiotia ai Osama i lona nofoaga sa fa’alilolilo mai ia Amerika.

O le tama’ita’i Amerika lea sa lokaina fa’apagota e le Malo o Somalia fa’atasi ai ma se ali’i mai Denmark o Poul Hagen.

Ua misi le ta a Ulala (Faleniu A) ae la e taumafai atu le tama o  Mauga le mulumu a le Manu'ula e taape i le aso To'anai lea na sei te'a atu. Manumalo le Tama o le Mua'au i le Manu'ula.

Va'ai ifo a  tautou tala  o  Kirikiti i le lomiga a le Samoa News i le aso a taeao.

FA’ATONUINA SUI TAUVA IA O’O ATU I LUMA O LE FA’AMASINOGA MAUALUGA

E TATAU ONA OU TOE TULA’I - OBAMA

I se saunoaga a le afioga le Peresetene o Amerika, Barrack Obama, ua ia fa’aalia ai, “E tatau lava ona ou toe tula’i mai o le Peresetene i le isi fa’ai’uga o le Palota ua alofaiva nei i ai le Iunaite Setete o Amerika.”

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!