Archive - Feb 17, 2012 - Le Lali / Linking Samoans / Our Troops

Leai ni tagata faigaluega vaea

O se tala fiafia lenei mo tagata uma o Amerika Samoa, ina ua fa’alauiloa aloaia e le alii kovana i le aoauli ananafi i se fonotaga ma tusitala, le taofia o si’itaga o pili a le falema’i sa amata mai i le vaiaso talu ai, atoa ai ma lona fa’amaonia mai o le leai o ni tagata faigaluega a le falemai e vaea, e pei ona folafolaina mai e le Komiti Faafoe ma le pulega a le LBJ.

E felanulanua’i upu na fa’amatala ai e le alii kovana ma taitai o le Fono uiga tausa’afia na mafai ona o latou a’oa’oina mai i le afioga Senatoa Seui Laau Mautonu, lea ua tu’umalo, a’o latou galulue ai le malo ma le Fono Faitulafono, ma ua manatu ai, o nei fa’ataitaiga uma o le a fai ma a’oa’oga sili mo i latou i le lumana’i.

E le ma’i lava le tulaga o lo o i ai faamaumauga a le pulega o le to’ese i le aofa’i o pagota o lo o taofia ai i le falepuipui, ina ua latou fa’ailoa i luma o le Komiti o le Puipuiga o le Saogalemu a le Senate e fa’apea, mai le aofa’i e to’a 174 o pagota o lo o i ai i Tafuna i le taimi nei, o le 85% o i latou ia, o tagata mai fafo.

E le ma’i lava le tulaga o lo o i ai faamaumauga a le pulega o le to’ese i le aofa’i o pagota o lo o taofia ai i le falepuipui, ina ua latou fa’ailoa i luma o le Komiti o le Puipuiga o le Saogalemu a le Senate e fa’apea, mai le aofa’i e to’a 174 o pagota o lo o i ai i Tafuna i le taimi nei, o le 85% o i latou ia, o tagata mai fafo.

LOKA SE TAMALOA I LE PERETOMEINA O TAMAITI AE LEAI SE LAISENE

Ua molia nei se tamaloa e 52 tausaga mai i le afioaga o Sataoa, i lona faia o ni tulaga e fa’ao’o ai ni manu’a i ni ali’i talavou e to’a 28, ina ua na peretomeina i latou, ae e na te le umia se fa’ailoga po o se laisene fa’afoma’i.

O le vaiaso fou ua fa’amoemoe e tula’i ai lenei ali’i i luma o le fa’amasinoga mo sona iloiloga.

Pe a ma le to’a 20 ni ali’i na o’o i se tulaga fa’aletonu ma fa’atopetope atu ai le to’afitu o i latou i le falema’i, ona o nei ta’otoga.

O le fa’afitauli i le le lava o faiaoga i nisi o aoga i le atunu’u, ua tu’ua’ia ai le Fa’atonu o le Matagaluega o Tagata Faigaluega a le malo, o ia ma lana matagaluega lea ua mafua ai lea faafitauli.

Saunoa le alii faipule ia Taotasi Archie Soliai, e lata i le 50 avanoa faiaoga o lo o fa’atalitali pea i le taimi nei talu mai le masina o Setema 2011, peitai e lei faatutumuina lava ia avanoa.

Fa’amavae Quinata mai le Tofiga Administrator o le EPA Guam:

Ua fa’ailoa mai e le Fa’atonu o le Matagaluega o le EPA i le malo o Guam, ua mae’a taua’aoina atu le tusi fa’amavae mai le latou matagaluega a le susuga Ivan Quinata, ma e amatalia i le aso lea fa’amavaega, Fepuari 15, 2012.

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!

Upu: SCUBA DIVING. Fa’asamoa: MAULU SIKUPA.

Ua amata ona maligi ifo loimata o Eteuati i lea taimi, ona ua lagona lona fefe i lona tina. Na savali ane nei ma saofa’i ifo i le nofoa lea na nofo ai muamua. Ua la’a ane nei Loimataoapaula ma nofo i talane o lona tuagane i lea taimi, e le i toe taofiofia le lo’omatua i lea taimi, “Eteuati, o le a le mea lea na ou fa’alogologo atu i ai, ua sui e a lou leo.