Archive - Feb 2012 - Le Lali / Linking Samoans / Our Troops

I se fa’atasiga a aiga, uo fa’atasi ai ma nisi o le au tusitala o le atunu’u, i le Aso To’ona’i ua te’a, na fa’alauiloa aloa’ia ai e le tamaitai fomai ia Dr. Salu Hunkin-Finau, lona avea ma sui tauva o le tofi kovana mo Amerika Samoa, i le faiga palota a Amerika Samoa, i le masina o Novema o le tausaga lenei.

Ua tauaaoina nei e le Ofisa o Lafoga a Amerika Samoa nisi o pepa talosaga mo le failaina o lafoga a tagata e faigaluega i le teritori nei, mai le Ofisa o Lafoga a le malo tele, le IRS ina ua le taliaina a latou talosaga sa faila atu i tausaga ua mavae.

Ua teena e le Vaega Iloilo o le Faamasinoga Maualuga a Amerika Samoa le talosaga na faaulu e le afioga Talia Faafetai Iaulualo, o ia foi lea o loo avea ma Sui Fofoga Fetalai o le Maota o Sui i le Fono Faitulafono, ina ia solofua moliaga o loo tuuaia ai o ia e le malo.

E le gata ua teena e le Vaega Iloilo lana talosaga, ae na taua ai foi i se vaega o lea faaiuga le faatumauina pea lea o le avea o le alii loia Tutoatasi ia Fa’amomoi Masaniai o loia tutoatasi na tofia e le Faamasinoga.

O le ali’i talavou lea na taofia i le to’ese i Tafuna ao fa’atalitali ai su’esu’ega a leoleo ona o tu’uaiga i lona tuleiina atu lea o mariuana i isi tagata, ua fa’asa’olotoina nei mai tua o le to’ese, ina ua faia se fa’ai’uga a le malo o le a leai ni moliaga e faila fa’asaga i lea ali’i.

O le aso Malolo o le Peresetene o Amerika na te’a nei, sa fa’aaogaina e le American Samoa Amateur Boxing Federation e faia ai la latou ta’amilosaga fusu mo le sa’iliga o ni sui o lea fo’i fa’agatama e ao ina auaina atu mo le Ta’amilosaga Fusu a le Oceania i Ausetalia ia Mati, 2012.

Ua fa’ailoa e le Senate lo latou te’ena o se taumafaiga a le maota o sui ina ia sui tausaga e fa’aipoipo ai se tama’ita’i e ala i lo latou te’ena o le pili na pasia e ali’i faipule i le vaiaso na te’a nei.

Ona o lo ’o fa’aauau pea lava le ta’amilosaga pi’i a le fanau aoga i a’oga maualuluga a lo tatou malo, ua ‘iloga mai le malosi pea o le taumafaiga a le ‘au pi’i mai le a’oga maualuga a Tafuna i le taimi nei.

O LE FAI FA'AEVAGALIA

O le fai fa'aevagelia lea na na alu atu i Apia e faia ana lauga evagelia, ma  e i ai ana tama fa'apitoa lava na, o le mea e fai ai ana lauga fa'a-evagelia e fa'amoemoe i ana tama.

Na o'o loa i Apia, na tu'u e fai i le fale tifaga muamua i Savalalo, ona alu lea o le toeaina fai fo'i i ana tama, "O e vaai pe mata e mafai ona tatala apa la e i luga tonu lava o le stage, lea o le fale-tifaga e fa'atatau tonu lava i le mea o le ou tu ai."

“Sole e le toe mae’a au galuega, ae ua tuneva fo’i le aso, ua lagona le le fia i ai i le ta mea lea e fai! Tau fai ma se fuafua le talanoa umi o oe, se na’o le ao mai lava o fa’amatalaga ma fa’amau, ae fa’ato’a toe fesiligia pe a o’o i le Ofisa!”