Archive - Feb 2012 - Le Lali / Linking Samoans / Our Troops

Ua fesiligia e nisi o faipule le fa’aiuga a le kovana e pei ona ia sainia ai le lisi mo le fa’atuina o le faleaisa i luga o le uafu, ona e i ai le talitonuga o le a feteena’i lea fuafuaga ma se polokalama ua mae’a ona fa’ataoto e le Initeria, mo le toe fa’ateleina o le uafu tele i Fagatogo mo le $7 miliona.

Ua taoto atu nei se fautuaga a le Fono Faitulafono e ala i lo latou pasia o se Iugafono Maliliefaatasi a le Senate, i le alii faipule i le Konekeresi, ina ia amata faia ni sailiiliga mo mataupu uma na folasia e le Matagaluega o le Gataifale ma le Vanimonimo a le malo tele (NOAA), e uiga i le faaopoopoina o vaega o le faasao mo le gataifale i le Faga i Fagatele.

O le vaiaso na tea nei na pasia ai e le Senate la latou iugafono lenei ae o le taeao ananafi na pasia ai e le maota o sui.

Ua toe tolopo le ulua’i iloiloga lea na fa’atulaga mo le ali’i na fa’alala se fana i le gutu o se tasi o lona aiga, lea na fuafua e faia i le aso ananafi.

O le alii o Lomitusi Filiga o loo tuuaia e le malo i moliaga o lona faaaogaina lea faasolitulafono o se aupega matautia, o lona umia faasolitulafono o se fana e lei lesitalaina, umia faasolitulafono o ni pulufana atoa ai ma le faaoolima i le tulaga tolu.

O se va’aiga i le autalavou sa faia le fa’amavaega ma le latou faifeau le faletua Pr. Meki Fesola’i & Ngaire, ma le nofoaalo i le fa’aiuga o le vaiaso. O le latou toe galuega fa’atasi, o le gaosiga lea o le fa’apapa ma fa’atau atu e faia ai le latou ‘aiga fiafia i le aso Lua nei.

O ituaiga o Helikopa o le Cobra ma le Huey lea e fa’aaogaina e Maligi  i atunu’u uma o le lalolagi, ua fetaui le lua ma ua maliliu ai le to’afitu o ali’i malini sa i ai i luga. O lea fa’alavelave sa tupu lea i Arizona, e tusa ai ma le fa’amatalaga aloa’ia mai a le ofisa 'autu o le Maligi i lea setete.

Ua pasia e le Komiti o le Paketi a le Maota o Sui le taofi o sa latou faaiuga i pili tupe e lua ia na tuuina atu e le kovana i luma o le Fono, sei vagana ua maua muamua mai ripoti o loo manaomia e le komiti, ona faatoa faia lea o se latou faaiuga mautu.

FASIOTIA LONA TO’ALUA A’O HONEYMOON I AUSETALIA

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!

Upu:  CELL

Ona toe manatua ai lea e Mikaele le pisinisi a Polo ma lana ave pasi o Tu, a’o le i o’o atu Tu ma le tupe e tu’u i le lima o Polo, ua uma ona faitau e Tu le tupe e o’o ia Polo ma le tupe e tu’u ia te ia, ona fa’apea lea o le faitau a Tu, “Tu, Tu, Polo, Polo, Tu, Tu, toe Polo tasi, ona Tu, Tu, Tu ai lava lea, ioe, ua tele a Tu, ae la’ititi Polo, ma ua gau a’ano ai loa ma si toeaina o Polo i le va lea.

Ua fa’asalaina e le Fa’amasinoga Maualuga, ia se ali’i na ia fasia se tama’ita’i, ina ua musu le tama’itai’ e fa’amalie ona lagona tu’inanau.  E 20 masina ua fa’asala ai Sausaulele Siua i le to’ese i Tafuna, o se tasi o tu’utu’uga o lona fa’anofova’ava’aia e 5 tausaga.