Archive - Jan 6, 2012 - Le Lali / Linking Samoans / Our Troops

Fa’atonu aiga e totogi sala tupe po o le tutula’i ese ma le nu’u

Ua mae’a ona tu’uina atu le finagalo o le afioaga o Pago Pago i aiga o tamaiti e to’alima ia ua tu’ua’ia i lo latou talepe ma fa’aleaga, o le falea’oga a le Peter Coleman Elementary, ina ia o latou totogia se salatupe ta’i $1,000, afai e le mafai, o le a fa’atula’i ese o latou aiga ma le nuu.

Fa’atonu aiga e totogi sala tupe po o le tutula’i ese ma le nu’u

Ua mae’a ona tu’uina atu le finagalo o le afioaga o Pago Pago i aiga o tamaiti e to’alima ia ua tu’ua’ia i lo latou talepe ma fa’aleaga, o le falea’oga a le Peter Coleman Elementary, ina ia o latou totogia se salatupe ta’i $1,000, afai e le mafai, o le a fa’atula’i ese o latou aiga ma le nuu.

O se va’aiga i le aso fiafia le tama’ita’i fa’ato’a nofotane o Katie Sinue Asalele - Fa’amausili  mai Pavaiai ma Fagatogo ma lana manamea o Detroid Avaoalii Ofoia Fa’amausili mai Vaitogi na fa’apa’iaina i la’ua i le CCCAS Fagatogo, lea fo’i sa fa’apa’iaina ai Matua o Sinue i tausaga ua mavae.

Toe tolopo lana mataupu i leisi 60 aso

Ua talia e le Fa’amasinoga Maualuga se talosaga na fa’aulu e le loia a Siaumau Siaumau Jr,  le susuga Tautai Aviata Faalevao, ina ia le toe avea o ia ma loia a le ua molia, ona o lo o fa’aauau ana talavai i atunuu i fafo

Ua tofia ai loa e le fa’amasinoga ia Leslie Cardin e avea ma fautua a le ua molia mo le taimi nei, e fa’atalitali ai pe i ai se isi loia tua e totogi e le aiga a le ua molia.

SO’A E SE ‘CONTAINER’ MOLI MAGAFA I LEPEA

Pe a ma le afa itula o poloka le magafa i Lepea, i le amataga o le vaiaso, ina ua le mafai e se aveta’avale na fa’afoea se tasi o ta’avale toso koneteina, ma i’u ina so’a ai moli fa’atonutonu i lea magaala.

Na ta’ua e se tasi sa molimauina le amataga o lenei fa’alavelave, o Ti Malogologo, na fiu le aveta’avale e taofiofi lana ta’avale, ae ua le mafai ma i’u ai ina ona so’aina moli fa’atonutonu.

O le tuana’i ai o le tatalaina o le Tauaofiaga a le Fono Faitulafono i le Aso Gafua o le vaiaso fou, o le a fa’ataunu’u ai iloiloga a le alii faipule mai Uosigitone, lea ua fa’amoemoe e faia i le Aso Lulu ma le Aso Tofi, i le Fale Samoa a le Fono i Fagatogo.

Ua fa’ailoa mai e le Xinhua News ua fa’amaonia mai le fa’aitiitia e le malo o Saina o a latou Polokalama Fa’afiafia i luga o le latou Kamupani Televise e tusa ma le lua o vaetolu o ana polokalama fa’asalalau uma lava, ua motusia nei.

O lenei faiga, o se fa’atonuga tu’usa’o mai le Pulega o le Setete o Leitio, Ata Tifaga ma Televise ina ia fa’aitiitia ai tulaga tau Fa’afiafiaga i luga o televise mo tagata uma i totonu o Saina ma sa amata fa’amalosia lea i le aso 1 Ianuari, 2012.

MICHAEL AGASIVA

O le taeao nei lea ua fa’amoemoe e fofogaina ai i luma o le fa’amasinoga se talosaga ua fa’aulu e Michael Agasiva, e talosagaina ai le fa’amasinoga ina ia toe iloilo lana fa’aiuga, atoa ai ma le talosaga mo se isi fa’amasinoga fou mo ia.

TUMAU PEA LE TETE’E O EKALESIA VANUATU I LE WTO

Ua i luma nei o le faigamalo a Vanuatu se fautuaga mai i le ta’ita’ifono o le fa’alapotopotoga o ekalesia i totonu o le atunu’u, le susuga i le ali’i Epikopo James Ligo, ina ia aua le vavevave i se fa’ai’uga, mo le fa’aopoopo atu o Vanuatu i totonu o le fa’alapotopotoga tau i fefa’atauaiga a le lalolagi (WTO).

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!