Archive - Jan 3, 2012 - Le Lali / Linking Samoans / Our Troops

E na o le si’uleo o le fa’afetai ma le fa’amalo na fa’afofoga i ai le atunu’u a’o malele le afioga i le matua ia Togiola Tulafono, i lana toe saunoaga fa’amanuia mo Amerika Samoa e faafetaia ai galuega uma sa feagai ma le atunuu i le tausaga tuai 2011, ae faafeiloai atu loa i le tausaga fou 2012 lea ua tatou i ai nei.

To’a 11 na taofia e leoleo i le fa’ai’uga o le vaiaso

E leai ni faalavelave matuia na tulai mai i totonu o le atunuu ao alo atu Amerika Samoa e faafeiloai le taunuu mai o le tausaga fou 2012, talu mai le po o le Aso Faraile na te’a nei seia o’o mai i le taeao ananafi, e pei ona faamaonia mai i se ripoti mai le Matagaluega o le Puipuiga o le Saogalemu Lautele.

Ua fa’ailoa mai e ali’i leoleo o lo’o sailia le na ia fanaina Kovana Carlos Soria o Argentina, e to’atasi lava le tagata lea e masalomia, o lona to’alua lea. O lea tama’ita’i o Susana Freydoz, aua ua maliu nei le ali’i Kovana i ona manu’a mai lea fa’alavelave.

TASI PO NA MOE AI TA’ITA’I U.S COAST GUARD FALEPUIPUI

E tasi le po na moe ai le ali’i o lo’o fa’auluulu i ai le vaega o le Puipuiga o le Gataifale a le malo tele (U.S Coast Guard) i Amerika Samoa i le to’ese i Tafuna i le vaiaso na te’a nei, ona o tu’uaiga i le ave ta’avale ‘ona atoa ai ma le ave ta’avale fa’atamala.

O le po anapo na toe taliu atu ai i Hawaii, Kalefonia ma Utah alo ma fanau sa malaga mai e auai i le ta’amilosaga o le Samoa Bowl IX lea na fa’amae’aina i le Aso To’ona’i, i le ta’aloga ‘football’ lea na fetaui ai le ‘au fili mai i Hawaii ma le ‘au fili a Amerika Samoa, ma manumalo ai Amerika Samoa, 34-28.  E ui ua toe fo’i le ‘au volipolo a tama’ita’i mai i Kalefonia ma le manumalo i a latou fa’agatama. 

Lea ua le si’ia le pili o tagata e va’aia ai foma’i ina ia sailia se mapusaga i gasegase, ae ua titina mai le mamalu lautele i vaila’au mo togafitiga i le Faletalavai. Oka, o le a le aoga na sau ai e va’ai le foma’i, pe afai e le mafai ona maua se to’afilemu aua e leai se vaila’au e togafitia ai?

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!

Upu: MANIFEST - PEPA FA’ATAGA. Fa’a-Samoa fou

Ua le tali le lo’omatua, ona o lea ua pisi nei i le tau su’eina o lisiti fa’atasi ai ma le sui lea na avane e lana tama o Lolesio ia te ia. “Eteuati, e i ai se mea o fa’aletonu ai la’u ato i lou mafaufau, va’ai, o le a ou onosa’i lava se i maua se galuega a Loimataoapa’ula ona fa’atau lea o sa’u ‘ato fou.”