Archive - Jan 21, 2012 - Le Lali / Linking Samoans / Our Troops

Na te’ena e le ave pasi o le pasi a le Pa i Fualaga lea na lavea i tala atu o Lauli’i i le Aso Lulu na te’a nei, tu’uaiga a le malo fa’asaga ia te ia, ina ua tula’i i luma o le Fa’amasinoga Fa’aitumalo i le taeao ananafi.

Ua faatulaga ai loa le isi ana iloiloga mo le Aso Lua, Fepuari 7, 2012.

O le mae’a ai ona tulai mai o le faalavelave i le aso lea, na taofia ai loa Farani i le toese i Tafuna ma tula’i ai i luma o le faamasinoga i le taeao ananafi.

Na fa’afofoga ma le toto’a afioga i faipule a’o fa’asoa e le Fa’atonu o le Matagaluega o Tupulaga Talavou, Tina ma Tamaitai mafua’aga e ala ai ona ia lagolagoina suiga i le tulafono, o lo o mafai ai ona fa’aipoipo se teineititi i le 14 tausaga, pe afai e malilie i ai ona matua, i se iloiloga sa faia a le komiti o Sailiga o Alamanuia a le maota o sui i le vaiaso nei.

O le tuua ai o le malo e le afioga Mailo Atonio i lona maota i Fagatogo, i le itula e 9:00 i le po o le aso Lulu na tea nei, ua faamatalaina ai e nisi o taitai o le atunuu le avea o lona tuumalo o se auala ua misia ai e le malo, atunuu, itumalo, aiga ma ekalesia se tasi o poutu malosi i tulaga o le aganuu ma aoaoga.

Na maua le avanoa e fesiligia ai e le Samoa News se tasi o alo tamaitai o le afioga Mailo, o ia lea o Virginia Mailo-Filiga e tusa ai o le soifuaga galue ma le auaunaga na mafai ona ofo atu e le afioga Mailo mo lona aiga, itumalo, malo, atunuu ma lana Ekalesia.

TETE’E LOIA A SOLOFA I LE TALOSAGA A LE MALO FETERALE

O le amataga o le vaiaso na amata ai le fa’amasinoga a Paul Solofa, ma o molimau autu o lenei fa’amasinoga, e aofia ai Gustav Nauer, lea na fa’afoeina le vaega o pasi a’oga ma Oscar Mayer, le pule o le Pacific Products, lea na sapalaia totoga mo pasi aoga.  Ua mae’a ona tali ioe Nauer i ona moliaga i lenei mataupu ma o le a lauina lona fa’asalaga i se vaitaimi o lenei tausaga, ae e le o molia Mayer.

FIAFIA A LEOLEO - MANUIA GALUEGA 2011

Na fa’ataunu’u se fiafia a le matagaluega o Leoleo a Samoa i le Aso To’ona’i na te’a nei, ua fa’afetaia ai ele Susuga le Komesina o Leoleo fa’atasi ai ma le taupulega, le galuega tele sa gapatia ai le vasega o Malu o le Malo i so’o se auaunaga o i ai i totonu o le Matagaluega.

FAATULAGA ILOILOGA FONO MO LE PAKETI ASPA

O le Aso Gafua e o’o atu i le Aso Lulu o le vaiaso fou ua fa’atulaga e le Fono Faitulafono, e toe iloiloina ai le Paketi a le Faalapotopotoga o le Eletise ma le Suavai (ASPA) mo le isi vaega o loo totoe o le Tausaga Tupe lenei 2012.

E na o le 4 masina o le Paketi a le ASPA na pasia e le Fono i le tausaga na te’a nei, ma le tu’utu’uga e  tatau ona toe o’o atu le pulega a le ASPA i le Fono i le masina nei, mo le toe faia o se isi iloiloga i le latou Paketi.

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!

O Lolesio, o se tama e tausa’afia ona uiga. Ai fo’i o le mea lea na ulumatua ai, on ate lavatia ona fa’apalepale i mea uma e tutupu i totonu o lo latou aiga. O lea la ua tu nei i le va lea, “Tina, se ‘aua e te loto vaivai fa’apena, fiafia o lea o le a e alu e asi lou aiga. O isi mea uma o le fa’atoaga, tu’u mai faitalia au ma va’ai, ae alu se i e o’o i si ou aiga, ua leva fo’i aso e te le i toe asiasi i ai.”