Archive - Jan 16, 2012 - Le Lali / Linking Samoans / Our Troops

O alii pagota e toalua ia na sosola i tua mai le Falepuipui o Tamaiti i le po o le aso Lulu na te’a nei, na maua e leoleo o loo ti’eti’e i le aso na soso’o ai, ma toe auina atu loa i le falepuipui e toe taofia ai seia oo mai i le taimi nei.

[Malo le faitau, malo fo’i le onosa’i,ae alo mai loa o le toe soso’oina lenei o la tatou tala fa’asolo, lea na gata mai i le vaiaso na te’a nei i le taimi lea ua fa’amatala ai e le atali’i o Iose i leoleo lona fa’alogoina o se tauga ‘upu i le va o lona tama ma Pulusi, a’o faia sa la’ua inugapia i le po o le aso To’ona’i lea na soso’o ma le vaiaso lea na maua ai le tino maliu o Pulusi i lona fale.]

[Soso’o ane loa lau faitau i le toe soso’oina o la tatou tala fa’asolo, lea na gata mai i le vaiaso na te’a nei i le taimi lea ua fa’atumulia ai luga o le uafu tele i le taulaga i le malo o Initia i sui o le malo, fa’apea ai aiga o fitafita na o i le osofa’iga, i le fa’ataliina o le toe fo’i mai o fuava’a ia ua iloa atu, atoa ai ma le tele o le mau manatu felanulanua’i i nei mau fu’a ‘ese’ese o lo o sisi mai i vaega ‘ese’ese o le va’a.]

O le tulafono tau faaofi lea ua taoto nei i luma o le maota o sui e sui ai tausaga e agavaa ai se tamaitai ona faaipoipo, ua tele i ai finagalo o nisi o le atunuu, ona e i ai lo latou talitonuga o le fia faaipoipo o se tasi aemaise lava i le itupa o tamaitai e pei ona faamamafa mai i le tulafono taufaaofi, e le o se mea e tau faatulafonoina, ae fai lava i le lagona o se tagata.

E to’afitu ali’i fagota Korea ua fa’atopetope atu nei i Niu Sila mo ni togafitiga ona o se va’a fagota Korea ua mu i le vasa. O le ogasami lea sa tupu ai lenei fa’alavelave e tulata ane i ai le Uafu tele i Karaiesetete ma ua fa’atagaina fo’i lea mana’oga ona afea ai lea uafu mo ni togafitiga o lea to’atele o le ‘au fagota ma o le auva’a lava o lea va’a fagota.

 Tui Atua Tupua Tamasese Ta’isi Tupuola Efi

“E i ai tiute ogaoga ma e tutonu i Ta’ita’i o malo, e 'iloga ai se ta’ita’iga lelei sa aotelega mai ni a’oa’oga mai le taimi ua tuana’i e taumafai ona opogi ai fa’ai’uga lelei e fa’atautaia ai le malo i le taimi nei, ina ia mausali se meaalofa lelei aua a taeao mo le atunu’u.”

Ua fa’aalia e le vaega o Leoleo Su’esu’e i Niu Sila, e to’atasi lava le tama talavou lea ua latou masalomia, sa ia gaoia uma faletupe e tolu i le a’ai o Aukilani i Niu Sila, i lona itu i matu i le vaiaso ua te’a.

Ua fa’ailoa mai ua taofia nei le sa’iliga tele sa faia mo le tamaloa Solomona ua lipotia sa taumafai e toe fo’i i lona aiga, ina ua mae’a sa latou fiafia na faia i le nu’u o Nukumaroro i Choiseul Province, i le atu Solomona.