Archive - 2012 - Le Lali / Linking Samoans / Our Troops

O le faaiuga o le vaiaso na te’a nei na fonoa ai le Itumalo o Saole i le itu i Sasa’e o le atunuu, faapea ai ma Alataua i le itu i Sisifo o le motu nei, mo le sailia o ni isi e tauaveina tofi Senatoa o itumalo i totonu o le maota maualuga a le Senate mo le isi nofoaiga o lo o sosoo nei.

I le maea ai lea o le fonotaga a le Itumalo o Saole, ua filifilia ai loa le afioga ia Saole Mila e fai ma o latou sui i le Senate, ae o le Itumalo o Alataua ua filifilia i ai le tofa i le tau tootoo ia Faletogo Tafavalu Taliloa e fai ma o latou sui.

TOLOPO MATAUPU A SE ALII FAIPISINISI

O le alii faipisinisi lea o lo o tuuaia i lona faia o ni uiga mataga i le ‘niece’ a lona toalua e 16 tausaga le matua, ua toe tolopo lana mataupu lea na tuu e fofogaina i luma o le Faamasinoga Maualuga i le vaiaso nei, i le aso 11 o Fepuari o le tausaga fou.

Na faailoa e Sharron Rancourt, le loia a le ua molia, i le faamasinoga e faapea, o lo o faia ni feutanaiga ma le malo mo se maliliega, ma e i ai le talitonuga e maea le 60 aso ua maua se taunuuga o talanoaga o lo o faia ma le malo.

E to’aiva i latou na fa’ai’u i le toese i Tafuna fiafiaga amata o le Kerisimasi o lenei tausaga, i le fa’ai’uga o le vaiaso na te’a nei, ina ua ova lo latou fiafia ma faia ai ni isi uiga ua le tusa ma ala o le tulafono.

E to’aiva i latou na taofia e leoleo i le faaiuga o le vaiaso na te’a nei, ma tuuaia i solitulafono e aofia ai le ‘onana faavalevalea, sauaga i totonu o aiga, faaoolima atoa ai ma le faatupu vevesi i nofoaga faitele.

O le taeao ananafi na tatala aloaia ai le Ofisa Leoleo fou i le afioaga o Leone, ma sa toatele ni isi o sui o le malo faapea taitai o le afioaga, na molimauina lenei faamoemoe taua, ina ua tini se tasi o moemitiga a le afioga i le Komesina ma le mamalu o le Matagaluega o Leoleo, e fausia lenei ofisa e fesoasoani ai i le faatinoina o la latou pito laau, i le puipuia lea o le saogalemu o le atunuu lautele.

TATALA I TUA STERLING FUGA MAI LE TOESE

O le alii lea o lo o tuuaia i le faaoolima i le tulaga tolu, e mafua mai i lona faia o ni uiga i se tamaitai sa la nonofo faatasi i le nofoa o se pasi, na la malaga mai ai mai Leone, i le masina na te’a nei, ua tatala i tua e faatali ai le isi ona iloiloga  i luma o le Faamasinoga Faaitumalo.

O le faaiuga o le vaiaso na te’a nei na filifilia ai tofi Senatoa mo ni isi o itumalo i le atunuu, mo ni o latou sui e nofoia o latou nofoa i le Senate mo le nofoaiga fou o lo o lumana’i nei.

O Itumalo ua maea ona tofia a latou Senatoa e aofia ai le Itumalo o Tualauta lea e aofia ai afioaga o Tafuna, Faleniu, Mapusaga Fou, Mesepa, Pavaiai, Iliili ma Vaitogi; Itumalo #8 o le Maoputasi #II Fagatogo, Utulei ma Fagaalu; ma le Itumalo #9 o le Maoputasi III lea e aofia ai le afioaga o Pago Pago.

FA’AFALEPUIPUIA - SAMOA AMIO MATAGA I TONGA

Ua fa’ailoa mai Tonga e le nusipepa a le Matangi Tonga, le ali’i o Leuma La’ulu (52) o se tama Samoa o lo’o nofomau i Tonga, ua maua lona i’uga, e fa’afalepuipuia mo le ono ma le ‘afa tausaga i le falepuipui i Hu’atolitoli mo lona faia o ni amio mataga fa’aleituaiga i se teineititi e 9 tausaga le matua i Utulau ia Iulai  2012.

Ua faamaonia mai e le afioga i le kovana sili ia Togiola T. A Tulafono lo latou galulue vavalalata ma ni isi o pisinisi i le atunuu, i le tau sailiga o ni auala e mafai ai ona tauave e ni kamupani tua ia tiute ma galuega faa faletupe o lo o faatino e le Faletupe a Hawaii i le taimi nei, talu ona faalauiloa e le Faletupe o lana faaiuga e tapunia ai lana tautua i le fa’ai’uga o Mati i le tausaga fou.

MANA’O UPUTAUA TUIULI E FA’ATAUNU’U SONA FA’AMASINOGA AUTU

Ua talia e le Faamasinoga Maualuga le talosaga a Uputaua Tuiuli, lea na tauala atu i lana loia fautua o Michael White, ina ia faatulaga loa sona faamasinoga autu, ina ia iloilo ai moliaga ua faia faasaga ia te ia.

O le vaiaso na tea nei na faatulaga e faia ai le uluai iloiloga a Tuiuli, peitai ina ua fesiligia e alii faamasino le tulaga ua taoto ai lenei mataupu, na tali White, ua manao le ua molia e faataunuu sona faamasinoga autu.

TULAFONO E FAASALA AI PISINISI LE USITA’I

O le vaaia o ni isi o pisinisi o latou faatamala i le faatinoina o latou tiute e pei o le lafoa’i o a latou lapisi i totonu o kalone ua saunia e le ASPA, na faailoa ai e kovana Togiola Tulafono, e tatau ona faaulu se tulafono, e faasala ai pisinisi o lo o faia lea masani, ina ia taofia ai le tele o le faalapisi i le atunuu.