Archive - 2012 - Le Lali / Linking Samoans / Our Troops

O le alofa ma le va fealoa’i na faavae ai le faaiuga a le pule o le maketi fou i Fagatogo, susuga Falefata Moli Lemana e tatala le maketi mo le aufai faatoaga na lolofi atu e fia faatau a latou meamata ma fualaau aina i le taeao ananafi, e ui ua maea ona taoto le faasilasilaga e tapunia le maketi ona o lapataiga o le afa o Evan.

O le te’a laititi o le itula e 6:00 i le taeao ananafi na faafesootai mai ai e ni isi o le aufai faatoaga le Samoa News, ma faailoa mai ai lo latou le fiafia i le tapuni o le maketi ae o lo o fia faatau a latou meamata ma fualaau aina.

SAUNI ATIMALALA E TALI IOE I TUUAIGA MALO

O ananafi na faamoemoe e tolaulau ai i luma o le Faamasinoga Maualuga le maliliega lea ua maea ona sainia e Faafeai Atimalala ma le malo, ae talu ai sa tapunia ofisa o le malo ananafi, ma o lo o malaga i fafo le alii faamasino sili lagolago ia Lyle L. Richmond o lo o taulimaina lea mataupu, ua manatu ai le alii loia o Michael White, e talosagaina le toe tolopo o le mataupu a Atimalala seia aulia le masina fou.

FA’AFALEPUIPUIA - SAMOA AMIO MATAGA I TONGA

Ua fa’ailoa mai Tonga e le nusipepa a le Matangi Tonga, le ali’i o Leuma La’ulu (52) o se tama Samoa o lo’o nofomau i Tonga, ua maua lona i’uga, e fa’afalepuipuia mo le ono ma le ‘afa tausaga i le falepuipui i Hu’atolitoli mo lona faia o ni amio mataga fa’aleituaiga i se teineititi e 9 tausaga le matua i Utulau ia Iulai  2012.

Ua i ai nei Amerika Samoa i lalo o lapataiga mo matagi malolosi mai le afå o ‘Cyclone Evan’, lea na amata aafia ai si o tatou atunuu i le afiafi ananafi.

I se ripoti mai le Ofisa Vaai Tau a le atunuu na taua ai e faapea, talu mai le itula e 12:00 i le aoauli ananafi, e tusa ma le 80 maila le mamao ese atu o le afa o Evan mai le itu i Sisifo o Pago Pago, i le saoasaoa e 10 maila i le itula (mph) o lo o agai mai ai i le atunuu.

Ona ua faia le fa’au’uga o le to’a 15 su’isu’i, ua maua ai fo’i ma le avanoa e toe mafuta tasi ai ma  fa’afetaia i latou na tausoa fa’atasi le auaunaga mo Tina ma Tupulaga talavou talu mai le amataga o le tautua so’ofa’atasi o le “Mulumulugaveve.”

IOE LEGA OA NA IA GAOIA LE SILIA I LE $38,000

Ua talia e le Faamasinoga Maualuga le tali ioe a le tina talavou o Lega Oa, i lona faaaoga faagaoi o le silia i le $38,000 mai le kamupani a le Kooline Refrigerator, faatasi ai ma le talosaga a lana loia o Michael White e tatala i tua e faatali ai lona masina e fanau ai (tulou), ona faatoa faatulaga ai lea o le aso e lau ai lona faasalaga.

Na faailoa e White i le faamasinoga ananafi, o Oa ua 8 masina o lana ma’itaga, ma e manaomia ona tatala o ia i tua e faatali ai lona masina.

Na tutu faatasi loia o lo o avea ma fautua mo alii e toatolu, ia o lo o tuuaia i le faalavelave lea na maliu ai Sio Faumui po o ‘Chico’ i le tausaga na te’a nei, ina ia tatala i latou i tua, ae ua lava le 18 masina na loka ai, e fai ma o latou faasalaga.

Ua ofoina mai e le malo o Taiwan ni isi o avanoa e mafai ai ona aoaoina tupulaga mai Amerika Samoa nei i ni isi o a latou Iunivesite, mo le faalauteleina o le tomai i mataupu tau faatoaga atoa ai ma le atina’eina o le laueleele

O lea tulaga na mafai ona faamautuina i se fonotaga sa faia i le va o le kovana sili a Amerika Samoa ia Togiola T. A Tulafono, ma le taitai o le malo o Taiwan i se fonotaga sa usuia i le laumua i Taipei i le lua vaiaso talu ai, e pei ona faamaonia mai e le alii kovana i luga o lana polokalame i le faaiuga o le vaiaso na te’a nei.

E to’alima ni tama’ita’i Tausima’i ua mae’a fa’apine i le sauniga mamalu sa fa’ataunu’uina i le Lecture Hall 2 a le Kolisi Tu’ufa’atasi a Amerika Samoa (ASCC)  i le afiafi o le Aso Gafua, Tesema 10, 2012.  Ma o le a aofia foi i latou i le Vasega Fa’au’u a le ASCC i le fa’au’uga i le taeao o le Aso Faraile, Tesema 14, 2012.

Ua i ai nei le atu Samoa i lapataiga o matagi malolosi, e mafua mai i le faaputuga o matagi malolosi lea o lo o agai atu i le motu o Wallis ma Futuna, tusa o le 100 maila le mamao ma Tutuila nei.

I se ripoti na tuuina mai i le Ofisa Vaai Tau, sa taua ai e faapea, o lenei faaputuga o matagi malolosi (tropical depression) o lo o fuafua afai ae faatupulaia pea lona malosi, o le a aga’i atu i le itu lagi o lo o i ai le motu o Fiti ma faasolo atu ai i Wallis ma Futuna, ma e ono aafia ai le atu Samoa aemaise lava Samoa i Sisifo i le isi 18-30 itula o lo o muamua.