Archive - Dec 28, 2011 - Le Lali / Linking Samoans / Our Troops

Na faatumulia le nofoaga o le Faamasinoga Faaitumalo i le taeao ananafi i aiga ma uo o i latou sa taofia e leoleo i aso malolo o le kerisimasi, ona o tuuaiga i le faatupu vevesi i nofoaga faitele ma totonu o aiga, ave taavale ‘ona, atoa ai ma fanau sa taofia ona o le tagofia o le ava malosi ae le’i atoa le 21 tausaga.

E silia i le to’a 20 i latou na taofia e leoleo i aso malolo o le kerisimasi ma tutulai uma ai i luma o le faamasinoga faaitumalo i le taeao ananafi.

2LT Mike Gabbard, son of MSG Bill and Mary Lynn Gabbard of Annapolis, MD, recently graduated from the US Army Ranger School, Ft Benning GA. Mike is a 2011 graduate of Towson University. In the spring of 2012 he will be assigned to 3rd Infantry Division, Ft Stewart, GA.

Mike is the grandson of the late Ben and Agnes Gabbard of Leloaloa.

O le po  o le Aso Gafua lea na taunuu mai ai le isi vaega to’atele o au ta’aalo mai Hawaii ma Kalefonia mo le faamoemoe e tausinio i le taamilosaaga lona 9 o le Samoa Bowl e faatautaia i le faaiuga o le vaiaso nei.

I se saunoaga a kovana Togiola Tulafono i luga o lana polokalame i le faaiuga o le vaiaso na tea nei, sa ia taua ai le tupu pea o le taamilosaga lenei a le Samoa Bowl, talu ona faavaeina mai i le 8 tausaga talu ai, ina ua mafai ona faaopoopo mai isi au e aofia ai Kalefonia ma au mai Samoa, e faaopoopo i le au mai Hawaii.

Na faamaonia e Kovana Togiola Tulafono i luga o lana polokalame i le faaiuga o le vaiaso na te’a nei, lona faia o le faaiuga ina ia totogi atu loa le vaega tupe a le malo mo le Falema’i ina ia kava ai le kuata muamua o le tausaga tupe lenei 2012, i le maea ai lea ona logoina atu o ia e le Sui Teutupe a le malo, ua lava le malosi o tupe ao a le malo e mafai ai ona totogi atu lea vaega tupe.

Ua teena e le Faamasinoga Maualuga le talosaga na faaulu e le alii sa avea ma leoleo Lutena ia Raymond Noa, e talosagaina ai le faamasinoga ina ia toe fai se isi ona faamasinoga fou, atoa ai ma le talosaga ina ia faaitiitia lana faasalaga sa tuuina atu e le faamasinoga i le masina o Novema na te’a nei.

E 5 itulau na faamatala mai ai e le faamasinoga lana faaiuga e teena ai talosaga a le ua molia, faavae lea i luga o mau faamaonia na mafai ona tuuina atu e molimau a le malo i le taimi na iloilo ai e le vaega iloilo iuga lenei mataupu.

KOSEMA LEAFI

Na teena e le alii o Kosema Leafi tuuaiga o lona umia faasolitulafono o vaega o le laau faasaina o le mariuana, ina ua tulai i luma o le faamasinoga maualuga i le taeao ananafi.

I lona teena ai o le moliaga e tasi a le malo faasaga ia te ia, ua faatulaga ai loa lana uluai iloiloga e faia lea i le masina fou, o le a mafai ai loa ona faailoa e itu e lua i le faamasinoga se maliliega ua latou faia ma le ua molia, poo le tuuina atu foi lea o lenei mataupu e faatulaga sona faamasinoga autu.

O le sauni atu o Samoa e fa’amanatu le Suiga o le Laina o Aso Fa’avaomalo (International Date Line), lea o le a soso’o ai le vaeluaga o le po o le Aso Tofi nei 29 o Tesema 2011, ma le alafa’i mai o Samoa i le taeao e soso’o ai, ua Aso To’onai, 31 o Tesema 2011, o le a fa’apea ona vaeluaina ai foi ma talitonuga o tagata Aso Fitu o le Toe Afio Mai i Samoa. O i latou o le a tumau pea le tausia o le Aso Toanai o le sapati ma i latou o le a tapuai i le Aso Sa e avea ma o latou sapati.

Ua mae’a tapena e le Komiti mo le fa’ailogaina o le 50 tausaga o Samoa se latou fa’ailo [logo] na fa’asalalauina ia tauva ai nisi o tagata talenia i le tusiata, fa’atasi ai ma se fa’aupuga e talafeagai ma le ‘au’au o le tausaga 2012 - e atoa i ai le 50 tausaga talu mai ona fa’avae le malo Tuto’atasi o Samoa mai le tausaga e 1962.

I le aoauli o le aso Gafua, Ianuari 26, 2011 na potopoto ai le pa’ia maualuga i le Pulega a Ali’i ma Faipule o le afioaga o Vatia i le ‘Faleva’a fou o le Fua’o’, ina ia fa’apa’ia ma fa’amanuia fo’i le Atua e ala i ana ‘Auauna, i le galuega o le a feagai ai ma le Matuaofaiva, Maselino Ioane, ma le falefa o le latou aiga Salemalama.

Fa’aaoga i le Gagana Samoa:

O lenei taumafaiga ina ia mafai ona fa’aopoopo nisi upu i le tatou gagana samoa, ina ia mafai ona fa’afaigofie ma fa’apu’upu’u le taumafaiga e fa’aliliu mai tala fa’aperetania i le gagana samoa!

Ia fa’ao’o mai lou lagona e ala i se tusi e fa’ao’o mai i le Fa’atonu, po’o le Imeli to’asavili@yahoo.comtatou te feutaga’i ai i nei galuega lelei mo i tatou uma lava!