Archive - Dec 24, 2011 - Le Lali / Linking Samoans / Our Troops

O se va’aiga i le 175 ole fanau fa’au’u mai le tatou Kolisi Tu’ufa’atasi ua fa’amanuiaina latou taumafaiga i lenei afa tausaga, ma ua fiafia i latou ina ua tutula’i ae fa’ailo o i latou ua taliaina o latou fa’ailoga ua umia, ua pasi fo’i e i latou a latou kosi sa tau’avea i le Kolisi i lenei tausaga.

Peita’i e to’alima o i latou o nisi e maua fa’ailoga Masters.

Na tali le palemia o Samoa le susuga Tulaepa Sailele Malielegaoi i fesili e faatatau i le ofi atu o Samoa i le faalapotopotoga o fefaatauaiga o le lalolagi (World Trade Organization) ma tuutuuga fou ua i ai nei mo le toe auina atu o le siusiu pipi i Samoa e faapea, e lei faasaina lava e Samoa ona toe auina atu ni muli pipi. “Nao le pau le matou tala sa fai, e tatau lava ona aumai pipi o pipii ai ma o latou muli,” o le faamaninoga lea a Tuilaepa.

“I le agaga o le Alofa fetufa’i ua fuli ai le tama’ita’i o Senovefa Pritt o Lauli’i e sauni ana meaalofa uma nei ua folasia, mo tagata o si ona aiga, uso, tuagane ma fanau, ae ese mai ai, o meaalofa ua saunia e fa’atofusia ai i latou uma ua ia iloa lelei, o lo’o faigata le fa’asoa, ma ua faigata ai ona maua ni nai meaalofa e fa’afiafia ai i latou i lenei tausaga.

E to'atele le atunu'u ua latou talitonu, o le fa'ai'uga a le falema'i o le LBJ e fa'ateletelegese ai a latou si'itaga i totogi o ana tautua, lea na fuafua e fa'amamaluina i le po nanei, e le gata ua manino mai ai le tali fa'aaliali a le Atua mo le atunu'u, ae o se meaalofa sili lea mai le Atua mo Amerika Samoa.

E leai se 'ese'esega o le amio lea e tula’i so'o mai i vaitaimi lenei o le kerisimasi i tausaga uma lava, i le to'atele o le 'au tinifu e faia le amio lea o le fa'apapa fana 'ofe solo i vaega 'ese'ese o nu'u ma afio'aga, ma pese e fiafia ai lava se tagata e pese pese ai pea, ona o le vaiaso na te'a nei na amata ta pu’e ai e leoleo le to'atele o le 'au tinifu ma la’u i le falepuipui, ona o le solitulafono i le fa'apapaina lea o mea fa'apapa e aofia ai ma fana ia e fausia mai atigi 'apa.

I le ala usu atu o le 'aufaigaluega a le A’oga Tulaga Lua a Pago Pago i galuega, na fa’ate’ia i latou i se va’aiga fa’aletonu, ona ua mae’a talepeina faitoto’a o se tasi o latou falea’oga ma ua fa’aleagaina ni isi o meaa’oga a le fanau, fa’atasi ai ma ni mea ua to’esea.

E le o se tala ‘ole, o le tala moni! O lo ’o ua fanaua nei e se tina i le malo lava o Brazil i le vaiaso na te’a le pepe e lua ulu, ae tasi le fatu ma isi totoga uma ma itutino se’ia o’o i vae. Ua fa’ailoa mai, e le o i ai se fuafuaga e faia se ta’otoga, ona o le afaina lea, e le o ta’ilua ni totoga o lea '

'oloa taua.

Peita’i o le igoa o lenei tamaitiiti e sili ona taua: “Iesu ma Emmanuele”

Ua fa’ailoa mai le fa’anoanoa pea o le atali’i o Gaddafi, le ali’i o Saif al-Islam Gaddafi, lea na loka mai a’o taumafai e sola 'ese mai Libya, e tusa ai ma lipoti mai le BBC. Peita’i, e ui la ina e le’i talanoa lava i se loia, e fa’ailo i ai se mafua'aga na tau sola 'ese mai ai, ae e leai sana fa’asea o i ai e tusa o se faiga leaga ia te ia, a’o i ai i le falepuipui.

Ua fa’ailoa mai ua osofa’ia e le vasega o leoleo su’esu’e le Ofisa o le Cable Television lea e fa’atautaia e le Clarin po’o le sosaiete a tagata tusitala ma fai ata televise a le malo o Argentina. Ua afua lea tulaga, ona o lo ua matauina e i ai so latou sao i faiga e fa’asaga i le faigamalo o lo’o tula’i nei.

Ua fa’ailoa mai, o lea osofa’iga na fa’atonuina lea e se tasi o fa’amasinoga la e iloiloina lea faiga fa’asagatau i le faigamalo.

O MEA IA E TATAU ONA MANATUA

Ua sauni le 'au lakapi o la latou nu'u i le aso To'ona'i lena o le a ta'aalo i le Talita ma le 'au lea na mau ai le talita, savali atu nei le ali'i faia'oga mo se 'upu mulimuli i le 'au, "O le vaiaso atoa lenei na tu'u atu i totonu o outou malosi ma outou tino i tolegiga, ua tatau ona outou iloa le mea lenei na ou mafaufau ai e fa'ato'a ta'u nei ia te outou, o le THREE 'D'..."