Archive - Le Lali / Linking Samoans / Our Troops

O le ripoti a le Matagaluega o Fefaatauaiga ua i luma nei o le afioga i le Kovana Sili, i le tuana’i ai lea o le ulua’i 100 aso talu ona tula’i mai le nofoaiga a Lolo ma Lemanu e taitai le malo, o lo o taua ai ni isi o atina’e tetele ua fuafua e tatau ona faataunuu i le isi 5 tausaga o lo o muamua.
 

FALEPUIPUI AH SUI MO LE 90 ASO
 
E 90 aso lea ua poloaina e le fa’amasinoga faaitumalo le alii talavou o Taligalu Ah Sui e taofia ai o ia i le toese i Tafuna, ina ua ta’usala o ia i le solitulafono o le fa’atupu vevesi i nofoaga faitele i le vaiaso na te’a nei.
 
O lea faasalaga o le a aofia ai ma aso e 42 lea ua maea ona ia tuliina, talu ona taofia o ia i le falepuipui ona o lenei mataupu.
 

TOFIA TOFOITAUFA E PULEA LE OFISA MEDICAID
 
O le vaiaso na te’a nei na tuuina mai ai e le kovana sili ia Lolo Matalasi Moliga sana faaiuga faalaua’itele, e faailoa mai ai lona tofia o le Ta’ita’ifono o le Komiti Faafoe a le Falema’i o le LBJ i Fagaalu, le susuga a Tofoitaufa Sandra King Young e faauluulu i ai le Ofisa o le Medicaid i le atunuu.
 

Ua teena e le Fa’amasinoga Maualuga le talosaga na faaulu e le loia a le malo o Amerika Samoa, ina ia teena le tagi ua faila e le Komiti Faafoe a le Vaega o le Litaea faasaga i le kovana sili, le tofa Lolo Matalasi Moliga, ona o le faaiuga ua ia faia e tofia ai le Komiti Faafoe fou latou te vaavaaia tupe a le litaea.
 
Na taua e le loia a le malo o lo o tula’i mo le alii kovana ia Michael Iosua i lana faafinauga i le vaiaso na te’a nei e faapea, faatoa aloaia tofiga a le kovana mo le Komiti Faafoe fou pe afai ae faamaonia e le Fono Faitulafono.

Vaega: 71
 
Fa’atalofa atu ma fa’afeailoa’i atu i le mamalu o le atunu’u i lenei taeao fou, malo le soifua manuia malo fo’i le onosa’i i faiva ma tiute o lo’o feagai ai i lenei aso. E ao ai ona o tatou fa’afo’i le vi’iga ma le fa’afetai i le Atua Soifua, ona o Lana tausiga alofa mo i tatou i aso uma o lo tatou ola.
 

FAUTUA LOIA IA SATELE MA TUIAGAMOA AVEESE FAAIUGA FAASAGA IA LOPA
 

O le ali’i lea o lo o tu’uaia i lona susunuina o le fale e faigaluega ai lona to’alua, sa ia faailoa i leoleo e faapea, na mafua ona ia susunuina le fale faigaluega o lona ita i lona toalua.
 
O le vaiaso nei na taofia ai e leoleo le alii o Turituri Jr Opelu, ma tula’i ai o ia i luma o le Faamasinoga Faaitumalo i le aso Lulu na te’a nei, mo le tuuina atu o sana tali i moliaga e tolu ua tuuaia ai o ia e le malo.
 

A’o sauni atu ai le Sinoti a le Ekalesia Metotisi i Amerika Samoa mo le Koneferenisi tele a le Ekalesia i Samoa i le masina fou, na faataunuuina ai ni isi o ana galuega masani e moomia ona faataunuuina i le taimi o fonotaga a Sinoti, e pei o le faauuina lea o tofi mo ‘Failauga Fa’amaoni’, atoa ai ma le tuuina atu mo le faamalosi ia i latou ua atoa le 70 tausaga o avea pea ma Failauga o le Talalelei i totonu o Ekalesia ta’itasi.
 

O le aso ananafi na malolo aloaia mai ai le faletua ia Taumaoe Suiaunoa, 60 tausaga o le soifua mai le avea ma tagata faigaluega a le malo o Amerika Samoa, i le atoa ai lea o tausaga e 41 o tautua i totonu o le malo.
 
E 3 tausaga na galue ai o ia mo le Matagaluega o Aoga, ae 38 tausaga na galue ai mo le Ofisa o Tagata Matutua (TAOA), lea e pei ona malolo litaea mai ai.
 

O le ali’i talavou lea o lo o tuuaia i lo latou talepeina lea ma osofaia se faleoloa i Satala i le aso 5 Ianuari 2012, na taofia faapagota e leoleo i le vaiaso na te’a nei ina ua molia e le malo i moliaga mamafa e lua o le talepe fale i le tulaga muamua ma le gaoi.