Archive - Le Lali / Linking Samoans / Our Troops

Ua molia nei e le malo se alii 19 tausaga i moliaga mama e lima e aofia ai moliaga e tolu o le faaoolima i le tulaga tolu ma le faatupu vevesi i totonu o le aiga ma nofoaga faitele, ina ua na po ina foliga o lona tuafafine ma faalala i ai se tama’i naifi, toe faasaga mai tu’i foliga o lona ‘uncle’ ina ua oso atu e vaovao mai o ia.
 
O le a le mafai ona faalauiloa le igoa o lenei alii ona o puipuiga o le ono aafia ai o lona tina ma lona tuafafine o lo o aafia i lenei mataupu.
 

FA TA’AVALE MALO NA LOKA E LE MASELA O ALATELE I LE FAAIUGA VAIASO
 
E fa isi taavale a le malo na loka e le Masela o le Alatele i le faaiuga o le vaiaso na te’a nei, ina ua maua e le o usita’ia tulafono a le malo, e faatatau i le faaaogaina tatau o taavale a le malo i le tuana’i ai o taimi faigaluega atoa ai ma faaiuga o vaiaso.
 

FOLAFOLA E SE ALII LONA FASIOTIA O ONA MATUA
 
O le alii lea na taofia mai e leoleo i le faaiuga o le vaiaso na te’a nei, ona o tu’uaiga i lona folafola o le fasiotia o nai ona matua, ua toe tatala i tua e le faamasinoga i lalo o le vaavaaiga a ona matua, e galulue faatasi ai ma le malo mo le sailia o polokalama talafeagai e ono mafai ona fesoasoani ai i le gasegase o le mafaufau o lo o aafia ai lenei alii.
 

Vaega: 55
 
Fa’atalofa atu i lou alafa’i mai i le manuia i lenei taeao fou i le alofa ma le agalelei o le Atua Soifua. E i ai pea le fa’amoemoe o lo’o manuia tutusa pea i tatou i Lana tausiga alofa i aso uma o lo tatou ola. Ae alo maia, o le a toe fa’aauau atu la tatou tala fa’asolo e pei ona masani ai, Alofa, se ia tiga mo lenei aso.
 

Ua faamaonia mai e le tofa a Availopa ‘Lopa’ Seti le mae’a lea ona faafesoota’i o lana loia fautua, na te finauina le mataupu i le faate’aese lea o ia mai le faiganuu a lona nuu i Vailoatasi i le masina na te’a nei.
 

Ua tuuina atu le lagolago malosi a le afioga i le kovana sili ia Lolo Matalasi Moliga i le toe faaauaina o le polokalame e faatamaia ai ta’ifau taaloa, ona o le faanaunaugataiga e faamatagofie le siosiomaga ma le taulaga o le atunuu atoa ai ma le puipuia o tagata mai faama’i pipisi.
 

E silia i le to’a 60 faiaoga ma tagata faigaluega i totonu o le Matagaluega o Aoga a le malo, na aloaia a latou tautua aemaise ai o le auaunaga lelei i totonu o le matagaluega e ala i faailoga taualoa, lea na tufatufa atu i se sauniga faapitoa na faia i le Fale Laumei i Utulei i le po o le aso Tofi na te’a nei.
 
Na molimauina lenei sauniga taua e le toatele o faiaoga, tagata faigaluega a le Ofisa o Aoga, uo ma aiga aemaise ai ta’ita’i o le matagaluega.
 

TOE MAUA FOI ISI AISA I LE FALEMELI
 
O le aso Gafua o le vaiaso i ona tua atu o lo o taua i se ripoti a leoleo na toe maua ai foi e sui o le Ofisa o Tiute isi vaega o fualaau faasaina na aumai faanana i totonu o pusa meli, lea ua mafua ai ona taofia ni alii se toalua ma se tamaitai se toatasi ona o tuuaiga i lo latou taumafai lea e aumai faanana nei fualaau faasaina i le atunuu.
 
E lua mataupu eseese na mafai ona tulai mai i le falemeli i Fagatogo, ina ua masalomia ni afifi o lo o i ai vaega o le pauta faasaina o le aisa.

LOLO: FAIAOGA, FA’AFETAI MA LA OUTOU TAUTUA MATAVELA
 
Na tutu faatasi ta’ita’i o le atunuu i le tafa tolu o lana faigamalo, aemaise ai le aufaipisinisi ma le loaloa o le atunuu atoa e lagolago le aso faapitoa o Faiaoga i lenei tausaga, e ala i polokalame e pei o lauga, pesepesega ma taaloga na tuu faatasia e le Matagaluega o Aoga a le malo lea na faatautaia i le malae taalo o le VA Stadium i Tafuna i le taeao ananafi.
 

O MANTI TE'O UA SAINI LONA KONEKARATE
 
Ua sauni atu nei le alii o Manti Te’o mo lana konekarate e taalo ai i le taaloga o le NFL i le taamilosaga o lo o loma nei.