Archive - Le Lali / Linking Samoans / Our Troops

Na fa’amamafa e le faletua o Sheryl Morales Polataivao le tapua’ia e lana taupulega o le Faletusi o Feleti Barstow i Utulei, o alo o Samoa a’o alofaiva e tusi ma fa’amaumau au lava measina. O se saunoaga fa’amalosi’au, ma o se lagona lotonu’u e fa’aofofia ai, e taumafai i tatou tagata Samoa, e avea i tatou ma puna’oa e saili mai ai  e tatou tupulaga o lumanai sosia o a tatou ‘Tu ma Agaifanua.’

FALEPUIPUI SE ALII MO ASO E IVA

O se alii e 19 tausaga le matua, lea ua ta’usala e le Faamasinoga Faaitumalo, i le moliaga o le inupia ae le’i atoa lona 21 tausaga, ua fa’asalaina mo aso e iva i le toese i Tafuna, o le isi lea tuutuuga o lana faanofovaavaaia e 24 masina le umi.

FAUTUA PERESETENE SENATOA SILASILA TOTO’A $6.8 MILIONA

Ua tuuina atu se fautuaga a le alii peresetene o le Senate ia Gaoteote Palaie Tofau i afioga i Senatoa, ina ia taoto nisi mataupu o lo o agai i ai o latou finagalo, ae taula’i la latou silasila  i le $6.8 miliona lea na maua mai i le Maliliega o le Tapa’a (Tobacco Settlement).

TOETOE ESIKEGI 3 VA’ALELE - UOSIGITONE

Ua fa’ailoa mai i lipoti a le Associated Press le su’esu’ega ua faia nei a le US Air Safety i le mafuaga na toetoe lava a esikegi va’alele e la’u pasese e tolu, tutumu lelei i pasese, i luga a’e o le malae va’alele o Ronald Reagan i Uosigitone National Airport i le aso Lua na te’a nei.

I le tuana’i ai o ni nai vaiaso talu ona tuuina mai se poloaiga a le Komesina o le Matagaluega o le Puipuiga o le Saogalemu Lautele, e faamuta ai le auaunaga a le afioga Faamausili Mau Mau Jr i le Ofisa o Taavale Afi a le malo (OMV) i Tafuna, ae tofia i ai le susuga Commander Afui’ai Lee Vaouli na te vaaia le Ofisa, o le aso Gafua na te’a nei na toe fo’i atu ai Faamausili mo le toe faaauauina o lona tofiga tuai sa i ai.

E oo mai lava i le taeao ananafi o loo faatali pea taitai o le Fono Faitulafono, i se faaaliga mai le malo e uiga i le paketi a le malo mo le Tausaga Tupe fou 2013, poo afea e taunuu atu ai mo la latou iloiloga.

Na faaalia e le alii presetene o le Senate ia Gaoteote Palaie Tofau i Senatoa ma Faipule, e le’i oo atu lava se faaaliga ia te ia poo afea e taunuu mai ai le paketi a le malo, ae na taua e le Fofoga Fetalai o le maota o sui, o le vaiaso fou lea na faaalia e le ofisa o le paketi e tatau ona taunuu atu ai le paketi i le Fono.

Jordan Scanlan, who is attending Pacific Lutheran University on a full ROTC scholarship has the distinction of being named Cadet of the Year, two years in a row.

Scanlan, a 2010 graduate of Tafuna High School, is spending part of his summer undergoing airborne assault training at the military academy at West Point.

He is the son of very proud parents, Aliimau JR and Sue Scanlan of Malaeimi.

Na taua e le alii loia o Charles Alailima, lea o lo o faauluulu i ai le tagi a nisi o tagata Samoa ua tuuina atu faasaga i le malo o Amerika, ona o le mataupu i le sitiseni Amerika, o le talosaga lea ua tuuina atu e le alii faipule ia Faleomavaega Eni i le Fono Faitulafono ma le faigamalo a Togiola, ina ia faatulaga se pili e palota ai le atunuu i le mataupu o le sitiseni, e le taitai aafia ai le latou tagi ua i luma nei o le faamasinoga.

TOE FA’AFOU FESO’OTA’IGA - NZ, AUSETALIA & FITI

Mai le BBC ua fa’ailoa mai ai le toe taumafai o Ausetalia ma Niu Sila e toe fa’aauau so’otaga mafana ma le atunu’u o Fiti ua loa o tu’ua ma fa’amuta, ona o le vevesi so’o o le malo o Fiti e sailia ona ta’ita’i. Na taofia uma feso’ota’iga mautu fa’avaomalo a nei malo ma Fiti i le tausaga e 2009, e tusa ai ma le fa’amatalaga mai sui iloga o nei malo.

MOLIA LE TAMALOA - OSOFA’I SUI PALEMENE

Ua fa’ailoa mai e le Associated Press, se tamaloa ua molia nei i le tulafono ona ua ia osofa’ia se sui o le palemene, a’o taumafai lea sui e taofia se tasi o fa’aleaga le fale fa’atali pasi i Petersborough.