Archive - Le Lali / Linking Samoans / Our Troops

“Lea la, ua ese le mea ua iloga mai, e le fa’akafa lava kakou vaega fou i le ka la’u mai i kokogu oe le ‘au papa’e a ea? Sole Pou, fai mai e le o koe ‘alo lava le kau’au o kama uli i le vaega papa’e ma le fa’amaka puiki, ua loka mai ma kagaka o le fogo a le DOC lea e fai.”

O LE HAM

E fetaui lava le taunuu mai o le isi fai lotu i le fale ae faalogoina loa le manogi atu o le kuka a le faletua, o loo kuka le ‘ham’. Lagona le fiafia o le fai lotu ona ua fetaui lelei foi ma le fia ai ua i ai.

Na ala usu alo uma e a’o’oga i Mauga-o-Alava Eleemntary School i Vatia i se tapenaga uiga ese i o latou sao, o vi’iga o le sauniga mamalu e tatalaina ai le latou falea’oga i le aso ananafi, ma ua leva fo’i ona tapena i ai le vasega o Faia’oga o Pesega i lea laumua, aua sa iloga ona matagofie o latou faiva.

O le aoaoina o tagatanuu o afioaga taitasi i le atunuu, ia iloa ona faatino tautua e avea ai i latou ma nisi e faailoa i turisi nofoaga mo maimoaga, poo ‘tour guide’ e pei ona faaigoa ai nei ituaiga galuega, o se tasi lea o faanaunauga e Gene Brighouse, o se sui o le vaega a le Sanctuary i le atunuu, ina ua fesiligia e afioga i Senatoa i se iloiloga sa faia i le vaiaso nei.

MALOLO LE SIC MO LE 2 VAIASO

E lua vaiaso ia ua folafola e le taitaifono o le Komiti Suesue a le Senate, le SIC, o le a faia ai se malologa a le komiti mai ana iloiloga, ona toe faaauau fo’i lea.

O le mafuaaga o le malologa a le komiti e pei ona faalauiloa e le afioga Lualemaga Faoa i le taeao ananafi, ina ia aua ai ne’i faalavelave iloiloga a le komiti i iloiloga tuu faatasi a le Fono mo le Paketi a le malo, lea ua faamoemoe e amata i le aso Lua o le vaiaso fou mo le umi e lua vaiaso.

Mai lipoti a le Honolulu Advertiser ua fa’ailoa mai ai le fiafia o le Koluse Mumu a Hawaii e auina atu le to’a 50 sui o le latou fo’i sosaiete ina ia fesoasoani i le to’atele o aiga ma tagatanu’u o Amerika i setete ua afatia i le afa tele o Isaac ma le isi fo’i lea ua fa’ailoa mai ua amatalia ona fafau i setete nei e tolu ua afaina, Louisiana, Alabama ma Mississippi.

O le aoaoina o le gagana Samoa faapea ai tu ma agaifanua a Samoa i totonu o aoga, o se tasi lea o mataupu e talitonu afioga i faipule ma sui o le malo na mafai ona molimau i se iloiloga sa faia i le vaiaso nei, e tatau ona matua mautu ma lelei lona faavaeina mai, ina ne’i aua ne’i sese le ala e a’oa’oina ai fanau i totonu o faleaoga.

MAUA LE AU TALEPE FALE, TOE TOATASI O LO O TAU SAILI E LEOLEO

E toalua ni alii ua tuuaia nei e le malo i le faalavelave lea na osofaia ai e nisi le faleaoga a le Aoga Tulaga Muamua a Pavaiai i le vaiaso na te’a nei, ae o loo taumafai pea leoleo e saili le tagata lea o loo taua na autu i ai le osofaiga.

I le faaiuga o suesuega a leoleo, na taofia ai le alii o Sal Pou ma se alii laititi i lalo o le tulafono, ma molia i le faaleaga meatotino.

Ua valoia e sui o le Komiti Faafoe a le Vaega Tosovaa i se iloiloga sa faia i luma o le komiti o le Paketi a le Senate i le taeao ananafi, galuega fou ma tupe mama o le a mafai ona o latou maua i le tausaga tupe fou 2013.

Na taua e le Taitaifono o le Komiti Faafoe a le Vaega Tosovaa ia Carlos Sanchez sa latou fuafuaga e faaopoopo tagata faigaluega, ae na valoia e le latou Teutupe ia Peter James le faaopoopo o tupe mama o le a latou tuuina atu i le malo.

Tina mai Hawai Fasia Teine Va’alele Anchorage

Mai ANCHORAGE, Alaska ua fa’ailoa mai e le Associated Press ua tu’ua nei le fa’amasinoga o le tama’ita’i mai Hawaii sa molia ona ua ia fasia se tama’ita’i tautu i luga o va’alele a lea setete.

O le tina Hawaii lea e 56 tausaga o lona soifua, ma ua fa’ailoa mai e faia le fa’amasinoga lea e le vaega o Siuri i le setete o Alaska ma e tauau e na’o se fa’asalaga mama e fa’ae’e ia te ia.