Archive - Le Lali / Linking Samoans / Our Troops

Ua teena e le Vaega Apili o le Faamasinoga Maualuga a Amerika Samoa le talosaga apili na faaulu e le paga a Save Luiato Tuitele ma Sandra King Young, e apili ai le faaiuga na faia e le Komesina o Palota e pei ona teena ai le la lu’i faasaga i le le agavaa o isi sui tauva mo le palota o loma nei.

PASIA SENATE PILI FAUSIA AI SE FALEMA’I MO AUNU’U

Ua pasia e le Senate la latou pili e talosagaina ai le fausiaina o se falema’i mo le motu o Aunu’u, ina ia mafai ai ona fesoasoani i le tausiga lelei o le soifua maloloina o tagata i Aunu’u.

Na fulisia le maota maualuga e ala i lana palota i le taeao ananafi e pasia lenei tulafono taufaaofi, ma ua tuuina atu nei i luma o le maota o sui mo sa latou faaiuga.

Na teena e le Sui Faatonusili o le Matagaluega o le Soifua Maloloina ia Elizabeth Ponausuia le molimau a le alii foma’i ia Dr. Malouamaua Tuiolosega e faapea, o loo pagatia tagata Manu’a ona o le faaletonu o le tausiga o lo latou soifua maloloina, ae o lana molimau, “o loo lelei falema’i ma mea uma o loo tautua ai le soifua maloloina o tagata Manu’a.”

O le iloiloga a le komiti o le Soifua Maloloina/LBJ a le maota o sui ma Ponausuia na faia lea ina ua maea le iloiloga sa faia ma le alii foma’i ia Dr. Tuiolosega.

Na fa’atumulia le potu fono o le Matagaluega e Puipuia le Saogalemu o le Vaomatua ma le Gataifale o le atunu’u, ina ua lolofi atu le vasega o Tautai o le vasa, le fanau a’oga o le tupulaga o lo’o ua latou fa’autagia, e ao ina fa’asao puna’oa o le gataifale mo latou fo’i vaitau, ae maise o le mamalu o e ua latou fa’atauaina le feutaga’iga ma le matagaluega lea, ina ia tamau le fa’asa o le toe fa’atama’ia o Ituaiga uma o Malie, ma isi i’a lapopo’a o le gataifale ua seasea ona toe va’aia.

Na pasia e maota e lua a le Fono Faitulafono i le taeao ananafi, suiga ua latou faia i le Paketi a le malo mo le Tausaga Tupe 2013 i lona faitauga faalua, ma le faamoemoe o le taeao nei e faitau faatolu ai mo le faapasiaina.

Na umi se taimi o sasa’a le tofa a maota e lua ina ua latou tauaaoina suiga mo le paketi, i auala e tatau ona taoto lelei ai suiga a le Fono mo le paketi a le malo, ae i le faaiuga o felafolafoaiga lea na silia ma le itula, ma lagolagoina ai loa le manatu e talia suiga ua tuuina atu e le komiti.

TATALA I TUA FEGAUA’I MAI LE TOESE

O le tamaitai lea na tuuaia i lona talaina lea o ni siaki mai le kamupani sa faigaluega muamua ai, ua tatalaina nei i tua mai le toese i Tafuna i le vaiaso nei, i le maea ai lona ona taofia o ia i le toese mo ni nai masina, ao faatalitali ai se faaiuga o lana mataupu.

O Fegaua’i Toese na ta’usala e le faamasinoga maualuga i moliaga mamafa e lua o le gaoi faapea ai ma le faia o faamaumauga sese, ao faigaluega ai i le kamupani o le Kooline Refrigeration.

Ua fa’aalia e le kovana sili ia Togiola Tulafono lona fiafia tele i le Matagaluega a le Initeria, atoa ai ma tama fanau a Amerika Samoa o loo galulue ai, i le lagolago ua latou tuuina mai e ala lea i le taliaina o le talosaga mo le fausiaina o le Falema’i mo i latou e aafia i gasegase o le mafaufau, le mental health facility.

LE LAVA FOMA’I, LEAI SE PAKETI, LEAGA LE FALEMAI, TASI LE TAAVALE MALEPE

E tele ni mafua’aga na saunoa i ai le susuga i le ali’i foma’i ia Dr. Malouamaua Olosega, i le mafuaaga na fa’amavae ai mai i lana galuega i totonu o le Matagaluega o le Soifua Maloloina, ae o le aotelega o mafuaaga uma, o sana taumafaiga ina ia faaleleia ma siitia le tautua o le soifua maloloina mo tagata o le Manu’atele.

Na fulisia le finagalo o le Senate e ala i lana palota e 15-0, e lagolago tofiga a le kovana sili, e pei ona tofia ai le afioga i le Matua ia Muasau Tasina Tofili e avea ma Faamasino Lagolago o le Faamasinoga Maualuga a Amerika Samoa.

O Muasau o le a sui tulaga i le afioga i le alii Faamasino Lagolago ia Save Liuato Tuitele ua faamavae mai le nofoa, ina ua faalauiloa lona faamoemoe e fia tauva mo le tofi kovana i le palota lautele a le atunuu o lo o loma nei.

GAOI TAAVALE, SUI ATOA TINO MA AFI, AE TOE FAATAU ATU

E 30 tausaga o se alii mai Aleisa ma Faleasiu o Chris Stehlin, o lo o i lalo nei o le vaavaiga a leoleo ae o lo o tau sailia pea se tasi o alii sa la toalua, i le faatinoina lea o se soligatulafono matautia tele ua alia’e mai i totonu o le atunuu, o le gaoia lea o taavale ma ave sui atoa tino ma latou afi.