Archive - Le Lali / Linking Samoans / Our Troops

WASHINGTON D.C. -- Congressman Faleomavaega is currently accepting applications for Congressional nominations to fill vacancies at service academies.

There is currently one vacancy for an American Samoan at the U.S. Air Force Academy (http://www.usaf.edu/) in Colorado Springs, Colorado and one vacancy at the U.S. Naval Academy ( http://www.usna.edu/) in Annapolis, Maryland for the class entering the academies next summer. 

GALEAI: TUU TAAVALE FALETUA KOVANA/LUTENA KOVANA, AE FAATAU VAILAAU MO MANU’A

Na fa’aalia e le afioga i le alii senatoa ia Galea’i Tuufuli, lona agaga faanoanoa e tusa ai ma ripoti i faafitauli o lo o tutupu i falema’i i Manu’a ma ia talosagaina ai se tupe e faatau ai vailaau mo Manu’a.

FAIA SE MALILIEGA A LE MALO MA SE ALII TINEIMU, MOLIA I LE MALIU O LONA ATALII TASI TAUSAGA

O le aso 18 o Oketopa, 2012, e toe tula’i ai i luma o le fa’amasinoga ia Iuliano Tavale, lea o lo o molia i le maliu o sona atalii e tasi le tausaga, mo le iloiloina o sana maliliega ua maea ona faia ma le malo.

O Tavale o lo o molia i le fasioti tagata le fuafuaina ma le fasioti tagata e ala i se fa’alavelave tau taavale.

GAOIA FALETUPE E PAGOTA E TO’ALIMA

Mai le Nusipepa a le Fiji Times, ua fa’ailoa mai e Leoleo a le Malo o Fiti, ua saisaitia nei e i latou le ali’i ‘ave ta’avale o le Van na sosola ese ai le ‘au gaoi mata’utia, lea sa latou talepeina le puipui atoa o le faletupe i Samabula, ae avea masini tupe.

Ua teena e le Vaega Apili o le Faamasinoga Maualuga a Amerika Samoa le talosaga apili na faaulu e le paga a Save Luiato Tuitele ma Sandra King Young, e apili ai le faaiuga na faia e le Komesina o Palota e pei ona teena ai le la lu’i faasaga i le le agavaa o isi sui tauva mo le palota o loma nei.

PASIA SENATE PILI FAUSIA AI SE FALEMA’I MO AUNU’U

Ua pasia e le Senate la latou pili e talosagaina ai le fausiaina o se falema’i mo le motu o Aunu’u, ina ia mafai ai ona fesoasoani i le tausiga lelei o le soifua maloloina o tagata i Aunu’u.

Na fulisia le maota maualuga e ala i lana palota i le taeao ananafi e pasia lenei tulafono taufaaofi, ma ua tuuina atu nei i luma o le maota o sui mo sa latou faaiuga.

Na teena e le Sui Faatonusili o le Matagaluega o le Soifua Maloloina ia Elizabeth Ponausuia le molimau a le alii foma’i ia Dr. Malouamaua Tuiolosega e faapea, o loo pagatia tagata Manu’a ona o le faaletonu o le tausiga o lo latou soifua maloloina, ae o lana molimau, “o loo lelei falema’i ma mea uma o loo tautua ai le soifua maloloina o tagata Manu’a.”

O le iloiloga a le komiti o le Soifua Maloloina/LBJ a le maota o sui ma Ponausuia na faia lea ina ua maea le iloiloga sa faia ma le alii foma’i ia Dr. Tuiolosega.

Na fa’atumulia le potu fono o le Matagaluega e Puipuia le Saogalemu o le Vaomatua ma le Gataifale o le atunu’u, ina ua lolofi atu le vasega o Tautai o le vasa, le fanau a’oga o le tupulaga o lo’o ua latou fa’autagia, e ao ina fa’asao puna’oa o le gataifale mo latou fo’i vaitau, ae maise o le mamalu o e ua latou fa’atauaina le feutaga’iga ma le matagaluega lea, ina ia tamau le fa’asa o le toe fa’atama’ia o Ituaiga uma o Malie, ma isi i’a lapopo’a o le gataifale ua seasea ona toe va’aia.

Na pasia e maota e lua a le Fono Faitulafono i le taeao ananafi, suiga ua latou faia i le Paketi a le malo mo le Tausaga Tupe 2013 i lona faitauga faalua, ma le faamoemoe o le taeao nei e faitau faatolu ai mo le faapasiaina.

Na umi se taimi o sasa’a le tofa a maota e lua ina ua latou tauaaoina suiga mo le paketi, i auala e tatau ona taoto lelei ai suiga a le Fono mo le paketi a le malo, ae i le faaiuga o felafolafoaiga lea na silia ma le itula, ma lagolagoina ai loa le manatu e talia suiga ua tuuina atu e le komiti.

TATALA I TUA FEGAUA’I MAI LE TOESE

O le tamaitai lea na tuuaia i lona talaina lea o ni siaki mai le kamupani sa faigaluega muamua ai, ua tatalaina nei i tua mai le toese i Tafuna i le vaiaso nei, i le maea ai lona ona taofia o ia i le toese mo ni nai masina, ao faatalitali ai se faaiuga o lana mataupu.

O Fegaua’i Toese na ta’usala e le faamasinoga maualuga i moliaga mamafa e lua o le gaoi faapea ai ma le faia o faamaumauga sese, ao faigaluega ai i le kamupani o le Kooline Refrigeration.