Archive - Le Lali / Linking Samoans / Our Troops

Ua talia e le Fono Faitulafono le talosaga a le kovana sili, mo sa latou feiloaiga e talanoaina ai nisi o mataupu o lo o tulai mai ai le le femalamalamaa’i i le va o le Fono ma le malo, atoa ai ma le faailoa atu e le Fono o so latou finagalo i le valaauina o se Fono Faapitoa mulimuli o lenei nofoaiga, e faamae’a ai nisi o mataupu taua e le’i maea ona soalaupule.

O le itula e 8:00 i le taeao nei i le maota fono ua faatulaga e le Fono e feiloai ai ma le afioga Togiola Tulafono.

POMU I DOHA, SYRIA - 19 MALILIU - 3 TAGATA NIIU SILA

O le masaga tolu sa fa’afailele e Niu Sila o ona tagata nu’u, ua fa’ailoa mai, na pa le pomu i Doha Mall i Syria, ma maliliu ai tagata e to’a 19, ae o le masaga tolu lea, o isi na sui na maliliu ai ae na;o le ta’i 2 o latou tausaga.

Ua tauaao e le Fono Faitulafono se tusi mai le kovana sili ia Togiola Tulafono, e faailoa atu ai lona sainia o le tulafono sa latou pasia ai le Paketi a le malo, mo le Tausaga Tupe Fou 2013 lea na amataina i le aso ananafi, ae o nisi o suiga a le Fono sa faia ua ia teena.

E $497.2 miliona le aofai o le paketi a le malo mo le tausaga tupe 2013 na tuu atu i le Fono latou te pasiaina, peitai ina ua maea iloiloga a le Fono sa faia faatasi ai ma latou suiga na pasia, na faaitiitia ai loa le paketi i le $454.8.

Na fa’aalia e le afioga i le matua ia Togiola Tulafono, i luga o lana polokalama i le fa’ai’uga o le vaiaso na te’a nei e faapea, “Ana faapea ua uma ona totogi pili a le malo o loo i le ASPA, ou te talitonu e faigofie ona matou tula’i atu e faamuta siitaga a le ASPA,”

Na taua e se tootoo na valaau atu i le polokalama, e foliga mai o lo o pule lava le ASPA i taimi e fesuiai ai tau o ana tautua, ae o lenei lava e pagatia le atunuu, ona o lo o tumau pea le maualuga o totogi, ae o lo o alu pea i luga o le tau o le soifuaga.

Ua valoia e le taitaifono o le Iuni Lakapi a Amerika Samoa le tele o taaloga lakapi e ao ona maimoa i ai le atunuu, pe afai ae faataunuuina le taamilosaga taitoa 7 a le Mosooi i le faaiuga o le masina nei, ona o lea ua valaaulia au mai Samoa ina ia auai mai i lea faamoemoe.

E pei ona faia ai i tausaga uma, o le vaiaso mulimuli o Oketopa i tausaga taitasi e faamanatuina ai le Vaiaso o le Mosooi i Amerika Samoa, i lalo o le faatautaiga a le Ofisa o Turisi, ma le faamoemoe ia faaauau pea fuafuaga nei ina ia faatosina mai ai tagata tafafao maimoa mai fafo i le teritori.

ILALIO FALANI

O se fa’alavelave na tula’i mai i Laulii i le vaiaso ua mavae, ua tu’uaia ai nei le alii o Ilalio Falani i le umia o se aupega.

I faamaumauga a le faamasinoga o lo o taua ai e faapea, ao i ai le alii leoleo suesue o Det. Ioane Paselio i luma o le faleoloa o le JS Mart i Laulii, sa ia faalogoina ai se pao tele, ma ona  vaaia ni “fireworks” i luga o le ea, na toe lagona e le alii leoleo seisi pa’o, sa ia masalomia o se fana sa faapa e se tagata.

O se ali’i ma lana paga sa la’ua manatu e fa’amata’u Stevie Wonder the tama pese tauaso, ua mae’a faia le fa’ai’uga a le fa’amasinoga ia i la’ua nei, ina ia fa’afalepuipuia i le 292 aso  i le falepuipui Los Angeles e tusa ai ma se tala tusia i le Associated Press.

O le aso, le aso 29 o Setema i Amerika Samoa nei, ao le aso 30 o Setema i Samoa, ua suia ai le faagasologa o le taimi i Samoa ma ua televave ai le taimi i Samoa i le itula e tasi. O lona uiga a ta le 12 i le aoauli i Samoa, ae faatoa ta le itula e 11 i le taeao i Amerika Samoa. A ta foi le 12 i le vaeluaga o le po i Samoa, ae faatoa ta le itula e 11 i le po i le teritori. O lona uiga, e muamua taunuu Samoa i le aso fou i le itula e tasi.

O le fa ai lenei o tausaga o faatautaia lea faamoemoe a le malo ina ia faasao ai ana tupe faaalu.

FA’AVAELOTO FU’A MA TA TA LOGO ALOAIA SOIFUA LATOU NA MALILIU

O le sisi faavaeloto o tagavai i le atunuu ma le taina lea o logo i nuu ma malumalu o Ekalesia taitasi, o auala ia ua poloaina e kovana Togiola Tulafono e faia ina ia manatua ai soifua o i latou na maliliu i le galulolo, ao alo atu ai le atunuu e faamanatu le atoaga o le 3 tausaga talu ona tuana’i lea faalavelave matautia i le tala faasolopito o Amerika Samoa.

E to’a 7 Senatoa na palota ioe ae toa 8 na palota leai, ma teena ai loa e le Senate i le taeao ananafi tofiga a le kovana sili, mo le tama’ita’i o Leilua Stevenson e avea ma peresetene o le Faletupe o Atina’e.

O le faaiuga a le Senate na faia lea ina ua maea se iloiloga na faatautaia e le komiti o le Faagaioiga o le malo a le Senate, lea na taitaia e le alii Senatoa ia Velega Savali.