Archive - Apr 7, 2012

Ua a’e manumalo le taumafaiga na tauilo ai se ‘ai o le tofa Telei'ai Christian Ausage, o le Faia'oga Ulu o le Samoan Studies Institute ma o le Faia’oga fo’i o le Fa’asamoa i la tatou Kolisi Tu’ufa’atasi o Amerika Samoa. Ua ia umia nei le ulua’i fa’ailoga “Masters i le Fa’asamoa” i a tatou tu ma aganu’u fa’asamoa, ma sa taua’aoina lea fa’ailoga ia te ia i se sauniga fa’apitoa sa faia i le Iunivesite o Samoa i le Papaogalagala i le aso 4 Aperila, 2012 i Samoa.

O le ali'i ave taxi lea na ia fa’alala se fana ma le naifi i lona afafine ma fai i ai e alu 'ese ma le fale, ua molia nei e le malo i luma o le fa'amasinoga ma le fa'amoemoe, o se taimi o le vaiaso fou o le a faila ai moliaga fa'aopoopo fa'asaga i lenei ali'i.

E le o mafai ona fa'alauiloa le igoa o le ali'i, lea ona o puipuiga lava i lalo o le tulafono i le ono mafai lea ona iloa le teineitiiti o lo o a'afia i lenei mata'upu.

E to’alua ali'i leoleo na fa'apineina i le ulua'i sauniga a le Matagaluega o Leoleo mo lenei tausaga, e fa'alauiloa ai ali'i ma tama'ita'i leoleo mai vaega 'ese'ese a le Matagaluega, ua filifilia e avea ma leoleo o le kuata.

O le ali'i e 26 tausaga le matua lea sa galue o se faia'oga i le A'oga Tulaga Muamua i Alofau, ua ia ta’utino i luma o le Fa'amasinoga Maualuga i le vaiaso nei e fa'apea, o lana gaoioiga lea sa ia faia e ala i lona faiaiga lea i se teineitiiti e 13 tausaga le matua, na mafua ai ona ma’itaga o ia.

O tagata e alaala i le alatele i le gataifale o Waianae ua latou nofo fa’anoanoa nei ona o le maliu fa’afuase’i o se tamaitiiti e tolu tausaga le matua ona ua sofa’i atu e se ta’avale sa aga’i sa’o atu lava i le nofoaga fa’atali pasi a o i ai le tamaitiiti ma lona aiga o fa’atali le taimi e mae’a ai ona fa’atuina lo latou fale’ie e momoe ai.

O le atali’i o Gaddafi lea sa saisaitia mai i Lybia i le masina o Novema i le tausaga ua te’a, ua fa’ailoa mai o lo ’o fa’afalepuipuia pea lava e le Militeri a lea malo. Ua tau sa'ilia pea po ’o ai e faia le fa’amasinoga o lenei ali’i, aua o lona tama fo’i na saisaitia ma i’u ina fasiotia ona o tulaga uma fa’asolitulafono sa ia fa’ataunu’uina a’o avea o ia ma Peresetene o lona malo, Lybia.

Na saisaitia e le FBI se tasi o ta’ita’i iloga o le vaega leaga mai Mexico: Jose Antonio Acosta i le tausaga 2011.  Peita’i, ina ua fa’amasinoina, ua maua mai le i’uga a le fa’amasinoga i Amerika, e fa’afalepuipuia o ia i le olaga atoa, ona o lona fasiotia o tagata e to’atolu o le Konesula o Amerika i Ciudad Juarez i le tausaga e 2010.

FA'ASOLOGA O 'AU O LE SUPER 15

O 'AU A NIU SILA

O le ta'aloga o 'au o le Super 15, e ta'i lima (5) 'au a atunu'u nei e tolu o Niu Sila, Ausetalia ma Aferika i Saute ona maua ai lea o le Super 15.

O 'au la nei a Niu Sila e i ai i totonu o le Super 15, Otago Highlanders, Waikato Chiefs, Canterbury Crusaders, Wellington Hurricanes ma Auckland Blues.

[Malo le faitau, malo fo’i le onosa’i, ae alo mai loa o le toe soso’oina lenei o la tatou tala fa’asolo, lea na gata mai i le vaiaso na te’a nei i le taimi lea o lo o mafaufau loloto ai lava le tamaitiiti o Fatu i le tala a le tuafafine o lona tama fai o Pulusi lea ua fai atu ia te ia, pe mana’o latou te o i Ausetalia po o le nofo fo’i e fa’auma lana a’oga e sa’ili ai sona lumana’i.]

[Soso’o ane loa lau faitau i le toe soso’oina o la tatou tala fa’asolo, lea na gata mai i le vaiaso na te’a nei i le taimi lea ua fa’ailoa atu ai e le aloali’i i le tama’ita’i purinisese o Lorina, lona igoa ma le  tulaga o lo o a’afia ai lona tino ona o osofaiga a fitafita o le malo.]