Ads by Google Ads by Google

87 Tausaga Tama Kiliva Kokeni

Mai le a’ai o Detroit ua fa’ailoa mai ai se tama matua ua atoa le 87 tausaga, ae ua maua o lo’o ia kilivaina le coccaine, po’o le fuala’au fa’asaina coke. O lenei tama o se tasi mai Inidiana, ae aumaia e ia le coccaine mai Arizona i Michigan, ae ua ia fa’ailoa mai, e fefe tele o ia ina ne’i fasiotia lana fanau ma a latou fanau e tagata nei sa latou avanea ia te ia nei kokeni.“Na latou fa’amalosia mai ‘au e ‘ave nei kokeni,” o sana fa’amatalaga lea i luma o le fa’amasinoga a le feterale i le aso Gafua i lea’ai o Detroit ona o lona moliga i le umia o kokeni ma lona fa’amoemoe e fa’atau atu. O le ali’i matua lea o Leo Sharp.O foliga mai o le toea’ina lenei sa va’aia ai e leoleo, “ua sina atoa le ulu, o laumata mafiafia, ma o lo’o laeia se suti peleue e foliga mai ua matua tele na’ua mo lona tino itiiti aua ua pa’e’e tele o ia, ua matua. O ia fo’i o se faifa’ato’aga mai le a’ai o Michigan, ae ua maua lelei o lo’o ia umia le 200 pauna o le Kokeni i luga o le pasi e kolosi ai setete i le ala 94 e tusa ma le 60 maila mai le itu i sisifo o Detroit.Ua fa’ailoa mai e Sharp, o le tagata sa ia fa’afefeina o ia e alu e kiliva lenei kokeni, o se tasi e masani ai se tasi o lana aufaigaluega. Na ia fa’amatalaina le mea na tupu e fa’apea, “Sa muamua lava fesili mai ia te a’u pe o o’u pisi, ae ou fai atu i ai, “ou te le o pisi e pei ona ou mana’o ai i le taimi nei!” O i’ina loa na ia fa’atonuina ai loa a’u, ou te alu e ‘ave i Raleigh N.C. ma piki mai ai le atopa’u o lo’o i ai se vaega tupe.”Ina ua mae’a piki mai lea atopa’u, sa ia aumaia loa ma tu’u le ato lena ae piki apu ai iina le tusa o le tasi le tasene o taga kokeni ma le isi vaega tupe tele, e aofia ai ma le pepa e tusia ai le numera i Detroit e toe tu’u ai le Kokeni lea. Ua fa’ailoa e Sharp e le o fa’afefeina o ia i ni au’upega, ae ua matua manino lava ia te ia le mea e faia e nei tagata i lona aiga pe a le fa’alogo i le fa’atonuga.“Ou te iloa fo’i lea mea ua o’o i ai le latou faiga, ma ua aofia ai ma a’u.” Na taofia Sharp a’o latalata i Chelsea i Wastenaw County ia Oketopa 21, 2011 ona ua ou fa’aaogaina se laina e le tusa ai ma le tulafono e ao ina ou alu ai. Na aumaia le maile ma sogitia uma ai le kokeni i le ta’avale. N amaua e 104 piliki o le kokeni sa i le ta’avale na avea e Leo Sharp, ma ua ia fa’ailoa mai fo’i, o le vaega tupe sa ia avea fo’i, sa avea uma lava e leoleo.“O lea e le’i mae’a ona kiliva le tupe ma le kokeni, pe ana fa’apea ua mae’a ona kiliva lenei uta atoa, masalo ua i ai sa’u tupe, ae leai se tupe ua o’o mai mo a’u.” O le ali’i loia o tula’i mo ia, Ray Richards, na ia fa’amalosi atu ia Sharp e aua le toe tautala so’o ma fa’aalia mai nisi ona taofi e tusa ai o le mea na tupu, ae fa’alogo lelei se’ia mae’a ona fa’ailoa mai le fa’ai’uga a le fa’amasinoga.Ina ua fa’ailoa mai le fa’aiuga a le ali’i fa’amasino ma fa’ailoa ane ia Sharp, “E manatu mama oe e te le iloa pe o lou fa’ai’uga e te nofo i le falepuipui mo le toega o lou olaga atoa po’o le totogia o le $10. miliona? “E ata le ali’i o Leo Sharp, ma fai mai, na ou aitalafuina le $20,000. ananafi. Peita’i o le fa’aiuga ua fa’ailoa mai, o se fa’asalaga sili ona pu’pu’u ai mo ia, o le 10 tausaga i le falepuipui.Na tatala i tua le ali’i o Leo Sharp ina ua mae’a ona tauto e na te va’aia lelei nisi feuiuia’iga a le ali’i o Sharp ma tatala ai i tua o ia ina ua mae’a totogia le vaega tupe fa’atulaga mai mo le tatala i tua e tatalia le aso o lona fa’amasinoga.