Ads by Google Ads by Google

28 Tamaiti Maliliu Laveaga - Nofoaafi Suitiselani

E ui ina faigata, ae o le mea ua feagai nei ma le vaega o feoa’iga i nofoaafi a le Malo o Suitiselani, o le taumafaiga malosi ina ia fa’asaoina le ola o ni isi o lo o i ai pea le manava ola i falema’i, o ni isi o lo o taumafai ona aumaia i fafo mai le nofoaafi, ae o le galuega sili ona faigata, o le taumafai lea ona fa’atalanoa le tala fa’avauvau i le mamalu o aiga e ona nei tagata ua maliliu.

O le mea fita, ona o le to’a 28 o i latou ua maliliu, e to’a 22 le fanau laiti po o tamaiti a’oga.

The BBC's Imogen Foulkes: "The priority now is treating people, saving lives and informing relatives" O tamaiti a’oga nei e aofia i le to’a 52 o pasese ma le 'aufaigaluega sa i ai i luga o le nofoaafi sa tu’ua Suitiselani mo Peleisiuma i le aso Lua. O i latou na tu’ua Peleisiuma mo sa latou ta’aloga fa’ase’e i le ‘aisa ma o lo latou toe taliu mai lea ua tupu ai lenei fa’alavelave fita.

E le o faigofie i le mamalu o matua o e o lo o i ai a latou fanau i lea aumalaga, aua ua le mautinoa moni e i latou po o o latou alo o aofia i e ua maliliu, e ua manunu’a, po o e fo’i o lo o saogalemu aua e le tasi se nofoaafi sa la’uina mai ai le fanau sa auina atu mo ia ta’aloga i le ‘aisa.

Ua o’o lea tala fa’avauvau i le afioga le Tupu King Albert ma ua ia fa’ailoa mai lona agaga fa’avauvau ma le nutimomoia o lona loto alofa e tausoa fa’atasi tiga ma aiga o nei fanau a’oga o le atunu’u. Ua fa’ailoa fo’i e ni isi o leoleo su’esu’e ua latou sa'ilia le afuaga o lea esikegi, ua latou fa’ailoa ai, “E le’i saoasaoa le nofoaafi i le taimi na lavea ai.”

E o’o fo’i i le afioga Epikopo Patrick Hoogmartens o le Ekalesia Katoliko e ona le a’oga lea na alu le latou malaga, ua ia fa’ailoa atu lona agaga fa’avauvau ona o le taunu’uga ua o’o i ai ni isi o le fanau talavou i se taimi vave e le i mafaufauina o le a tupu mai.

O le nofoaafi lea ua fa’ailoa mai na lavea tonu i le te’a laitiiti o le 11:00 i le po, ae tulata lava i Sierre i le oga'ele'ele o Valai i Suitiselani, e tulata fo’i i le tua'oi ma Italia. O le to’atele o le vaega o le fanau ua maliliu nei e i le ta’i 12 tausaga, ma o lea nofoaafi ua pa nei, o se tasi o le tolu nofoaafi sa totogia fa’apitoa mo lea 'aumalaga a le fanau a’oga. E lua isi nofoaafi sa to’ai taunu’u lelei lava i Pelesiuma.

E tasi le vaiaso atoa na i ai le fanau i a latou ta’aloga fa’ase’e i le ‘aisa i le Atumauga lauiloa o Swiss Alps. O i latou sa i ai i luga o le nofoaafi ua lavea nei o i latou e a’o’oga i le St Lambertus i Heverlee, e tulata i Leuven, ma e talitutusa lava le aofa'iga o i latou na i luga o le nofoaafi ma le aofa'iga ua mafai ona maua nei.

O le aofa’iga o le fanau ua maliliu e to’afitu i latou mai Netalani, peita’i e to’a tolu i latou mai Netalani ua manunu’a ae o lo o soifua pea ma o lo o faia i ai togafitiga, to’atasi le tamaitiiti Polani, ae to’atasi le Siamani.

O le isi to’a 24 o le fanau o lo o manunu’a ua auina atu i le falema’i i Sion, le falema'i i Bern ma Lausanne ma ua fa’ailoa mai e to’atolu o lea 24 o i latou o lo o koma i le taimi nei. Ua mae’a fa’atulaga se laina o feso’ota’iga i luga o le initeneti mo aiga e feso’ota’i ai ma latou fanau ma isi fo’i o lo o a’afia o latou aiga i lenei tala fa’anoanoa. O le taeao po lava o le aso Lulu, na usuia ai le fonotaga a matua uma o le fanau sa malaga i le latou fa’ase’ega i le ‘aisa, ma ua latou tofu fa’ailoa mai i ai, i lea a’oga, po o ai ua maliliu a o ai fo’i o saogalemu. E o’o lava i le ali’i palemia o le malo Pelesiuma, ua fa’ao’o mai lana fe’au fa’amafanafana i matua uma ua a’afia le soifua o latou fanau i lenei fa’alavelave.

 O ali’i 'ave nofoaafi uma e to’alua, o lo o aofia i le 'au maliliu o lenei fa’alavelave. I le fonotaga a le Palemene a Malo Aufa’atasi a Europa, na latou faia ai se tatalo le leoa mo le fanau ma i latou uma ua maumau i lea fa’alavelave le ma’alofia.

saunia: Leua Aiono Frost