Ads by Google Ads by Google

238 Fa’asaoina Va’a Magoto - PNG

Ua fa’ailoa mai o lo ua mae’a fa’asaoina le to’a 230 o le pasese a le va’a la’u pasese ina ua magoto lea va’a ma lana pasese e to’a 350, i le itu i matu o le malo o Papua Niu Kini. O lo’o fa’aauau pea lava lea sa’iliga, ma ua fa’ailoa mai e i latou o lo’o fa’atautaia lea galuega lavea’i, “o lo’o matou taumafai atili e sailia le isi vaega atoa o le pasese lea e le’i maua uma.”

O le itu i sasa’e o le a’ai o Lae, o le a’ai lona lua lea lona tele i Papua Niu Kini, e tusa ma le 10 maila le mamao mai le apitagalu.

Ua fa’ailoa mai e le ali’i Palemia o Papua Niu Kini o le a taumafaia mea uma lava ina ia mafai ona maua a’ia’i mai le mafuaga o le magoto o lenei va’a la’u pasese. “E leai se ma’a e totoe e le lagaina i lenei sailiga!”

“O feoa’iga i le sami, o se tasi lea o ala ua loa ona feoa’i ai tagata o le Pasefika e o’o mai lava i nei ona po i so’o se malo, peita’i, o le mea ua tupu mai, ua tauau ina feso’ota’i mai  mea tutupu i atunu’u tetele ma va’a tetele la’u pasese ma va’a laiti nei, e matua patino feoa’iga a tagata o malo laiti o le lalolagi ma le vasa pasefika.”

O se fa’aaliga fa’anoanoa mai le tama’ita’i Palemia o Ausetalia, Julia Gillard, sa ia fa’apea ai, “O lenei mea e mautinoa lava o se fa’anoanoaga tele i malo nei e lua, Ausetalia ma Papua Niu Kini.” Na faia lana fa’amatalagta lea, peita’i sa ia toe fa’aalia mai ma lona agaga fa’anoanoa, “O lo’o taumafai atili lava ali’i leoleo fesoasoani a Ausetalia, pe mata e tau ane ai i se tagata Ausetalia ia i latou o lo ua fa’asaoina.”

O le ali’i Kapeteni Nurur Rahman mai le National Maritime Safety Authority a le Malo o Papua na ia fa’ailoa mai, “O le matou fa’anaunauta’iga, o le toe fia maua mai lea o nisi e fa’asaoina mai lea lava pasese tele a le va’a lea.” I le taimi lea, ua fa’ailoa mai e le Associated Press, ua atoa le lua aso atoatoa o lo’o taumafai ona sailia nisi e fa’asaoina, peita’i e le o se tulaga faigofie lea pe afai o le a fua atu i le umi o taumafai le tagata e ‘au’au pea ma fa’atalitali mai le galuega lavea’i!”

Ina ua fa’ailoa atu le aofaiga o le pasese sa i luga o le va’a e 350, ae fa’ailoa mai e lea ali’i, “e le moni lea aofaiga, e na’o le 300 tagata lea sa i ai i luga o le va’a i le taimi na tupu ai lea fa’aletonu. Ua fa’ailoa mai fo’i, e tauau o le tau ua si’isi’i tele peau ma ua tetele matagi, na fa’aletonu ai le va’a, ma ua i’u ina magoto ai.

O lea va’a o le “MV Rabaul Queen” e fa’atautaia lea e le Kamupani Va’a a Papua Niu Kini  - le Star Ships, e faimalaga mai le taulaga o Kimbe e aga’i atu i Lae ae tupu loa lenei fa’afitauli i le vaveao o le aso Tofi.

O lo’o fesoasoani malosi le Australian Maritime Safety Authority i le kamupani va’a ma le malo o Papua Niu Kini i lenei galuega fa’aola i le tai, ona e to’atele na’ua tagata o le a maumau le soifua i luga o le vasa pe afai ae le toe maua uma le isi selau ma ona tupu o nei tagata o le pasese.

saunia: Leua Aiono Frost