I le aso To’ona’i talu ai, na fa’atautaia ai le fa’au’uga o Faife’au ma A’oa’o ua pasia ituaiga tusi pasi e tolu sa a’otauina ai i le Kanana Fou Seminare i le tolu tausaga ua ma’ea

Mo le fa’ailoga Bachelor of Divinity po’o Mataupu Silisili tau le Tusi Pa’ia, ua fa’ai’u manuia ai le taumafai i latou nei: Tinoimalo A & Fitimalo Fa’alepo; Kaio P & Meilyn Thompson; Lillyantelani Pasia; Poutoa Leituala; Filomena Leituala; Tipisone Tuiolemotu; Raymond Fa’amausili; Kevin F. Niuatoa; Al Tunupopo ma Eveni Jr. Mamoe.

O le isi vaega o le au fa’au’u sa a’otauina mo fa’ailoga Certificate of Ministry Study - “Tusi Pasi mo Galuega Fa’amisionare” ma sa taua’aoina fa’ailoga na ia i latou nei:

Liu Fuifatu [sui mai le Ekalesia CCCJS i Amerika Samoa.]; Tavailau Ieremia; Seumoe A. Leasiolagi; Meki Mata’utia; Judy Mata’utia [mai le Ekalesia Katoliko]; Auisi Saimoni; Reupena Togia ma Fatu Vivao.

O le isi to’alua o le vasega na a’otauina lea mo fa’ailoga “A’oga Fa’afaife’au a Tina o le Galuega” po’o le

Women Theology Study, ma sa agava’a ai le to’alua o tina i le vasega: Meilyn Thompson ma Ulafia Simeavao.

 Pe a aotelega i latou uma na taua’aoina Tusi I’u i lenei tausaga i ituaiga o fa’ailoga nei e tolu sa tausailia i le A’oga Fa’afaife’au i Kanana Fou e to’a 20 i latou.

I le polokalama fa’asolo o lea aso atofa mo le ‘au fa’au’u, sa fa’amaonia ai le vasega fa’au’u e le susuga le Ta’ita’ifono o le Fonotele a le EFKAS Rev. Elder Dr. Leitulagi Fa’alevao lea e tausi ekalesia i Amouli, ina ua mae’a fa’alauiloaina e le Pule o Mataupu tau’avea i le Seminare i latou, le susuga Rev. Dr. Amaamalele Tofaeono.

O se upu tima’i mo le ‘au fa’au’u, sa tapena i ai Rev. Elder Pesaleli Poufa, Faife’au EFKAS. i Atu’u, lea sa fa’aauga ai lona taofi, i le taumafai atili o auauna a le Atua, ia tala’i le Upu ma ia si’itia Keriso i afio’aga ta’itasi, ina ia maua’a tagata i le soifua fa’atuatua i le Atua, e mafaia ai mea uma.

 Ina ua mae’a, na soso’o ma folafolaga mo le silafia e le mamalu lautele o aiga ma ekalesia sa auai mo le fa’au’uga i le ‘aiga tele mo matagaluega ta’itasi e fiafia fa’atasi ai, na fa’ai’u lea i le tatalo na si’itia e ta’ita’i o le sauniga, o le Ta’ita’ifono fo’i o le EFKAS - Rev, Elder Dr. Leatulagi Fa’alevao.