Ads by Google Ads by Google

2 Alo o Samoa Ta’a’alo - Missouri University “Miners”

Mai le a’ai o Rolla, Missouri iua fa’ailoa mai ai le tula’i mai fo’i o le au football a le “Miners” a le Iunivesite o Missouri fo’i latou, ae ua iloga mai, ona o le malosi fo’i o le una’i mai a se tasi o alo o le atunu’u, sa a’oa’oina i Leone High School, na fa’atonutonu ma a’oa’o lelei e le ali’i faia’oga Football o Pati Pati Jr., le ali’i talavou Amerika Samoa o Patrick Lang.

O le tala mai, “O se tausaga ese lenei i le taumafaiga a le matou ‘au football, e tusa ma le 30 tausaga talu ona fa’aletonu mai pea, ae o lea ua a’e manuia mai matou faiva i lenei tausaga e ala i lea fa’agatama.”

Ua matua tele le suiga i le aofaiga o latou manumalo i lenei tausaga. Mai le to’a 19 e tatau ona ta’a’alo i le au a le latou itumalo mo le Lakes Valley Conference, e to’asefulu na fili mai mo le ulua’i ‘au, mai le to’a 10 lea ua filifilia mai ai le to’aono o tama ta’a’alo lelei lava a le Miners i lenei tausaga, ae muamua mai ai le igoa o le tama Pago Pago, Pat Lang!

O le alo lea e fa’asino ia Ma’anaima Lang ma le faletua o Makerita Lili’o Lang o Leone & Faga’ima Amerika Samoa. Ae na fa’asolosolo le vaega e to’aono, ae toe tulitatao mai ai ma le isi alo o Samoa i lea lava Kolisi le susuga Jordan Pulou mai Cyprus, Utah na aoga ai, ae o le atali’i e fa’asino ia Anetelea ma Naomi Pulou o Amerika Samoa.

O se tala mai a le Mekasini o Ta’aloga Football i le itu lea e i ai le Iunivesite o Missouri, talu mai le 30 tausaga, fa’ato’a o’o mai lea o lea Iunivesite i se tulaga fa’apea, o le 10 manumalo ae tasi le faia’ina. Ose mea ua va’ai toto’a i ai i latou e filifilia tama ta’a’alo o latou ‘au football fa’apolofesa, ua ese le tula’i mai o a’oga nei e fa’ato’a ulufale i ai tamaiti a’oga polenisia, e aofa ai Hawaii, Tonga ae maise lava Samoa.

“Ua ese mai le sau i luma o le malolosi o taumafaiga a ‘au Football a Kolisi nei ua ta’uta’ua mai ai ta’a’alo a tamaiti polenisia, e iloga mai e lelei tele lo latou fa’amasania o tamaiti ta’a’alo i le loto fa’atasi!”

Ua fa’ailoa mai ua fa’atula’ia mai se matati’a fou e le Miners i lenei tausaga i lana itu o le Offense ina au sikoa e i latou ‘ai e 458 i lenei ta’amilosaga e tasi, ma e matua iloga lava, e afua lea tulaga ona o le to’aono lea sa filifilia e ta’ita’ia le osofa’iga lea: Smook Thomas le wide receiver, Joseph Hyman o le wideout lea e 15 ana sikoa ua lona lua lea i sikoa e maua e se tagata e to’atasi i le latou itumalo o GLVC.

O le lona tolu o sui na filifili fa’apitoa o Curterris Golden o le rushing attack. O le itu malosi a le Offensive lea e una’i mai e le tama samoa mai Pago Pago o Pat Lang i lona tulaga o le center,  Matt Mast, Forrestal Hickman ma Michael Underbrink ma Ian Krecher.

O le Offense a le Miners na latou ausia le tu’usaogalemu o latou iata e 439.6 iata, ma e tusa ma le 174.7 i le latou ta’aloga e tasi i le ta’amilosaga football a kolisi 2012.

I le ta’amilosaga lava lea e tasi ua fa’amauina ai fo’i le sau i luma o le taumafaiga a le tasi alo o Samoa - Jordan Pulou, e 68 ana pu’e mata’utia na fa’asaoina ai le tele o ‘ai o le isi ‘au. I se tala mai a le ali’i fa’atonu o le Miners, ua ia fa’ailoa ai lona agaga fiafia tele i lenei tausaga, ma le fa’ai’uga ua i ai, na’o le tasi lava le latou faia’ina ae 10 manumalo. O le ‘au a Inidianapolis  lea sa faia’ina ai i latou o lo’o mauaina le 11 manumalo 0 faia’ina.

O lo’o maua e Pat Lang le ipu o le Offensive Lineman o le tausaga i le Great Lakes Football Conference.

O lo’o tau’avea e ia mataupu fa’ainisinia i lana a’oga i Missouri State University. O lo’o tutusa lelei la mataupu o tau’avea ma le ali’i o Jordan Pulou, ma ua tausaga mulimuli fo’i lenei mo i la’ua i lenei tausaga a’oga.

saunia: Leua Aiono Frost