A’oa’o Fai Faatoaga ia iloa faaaoga vailaau

E to’a 23 i latou o Faifa’ato’aga ua auai ai e su’e le latou su’ega ina ia maua le latou fa’atagaga po’o le pemita e mafai ai ona fa’atau e i latou Vaila’au O’ona e fa’amate ai manu nini’i fa’alafua e ono a’afia ai latou fa’ato’aga ma lafu manu.

 

E aofia fo’i i lenei su’ega le a’oga sa faia e le Matagaluega a le ASEPA ina ia iloa lelei ituaiga o vaila’au e ao ina fa’atau, fua lelei o latou pasene ma ia fa’aaoga e tusa ma le taimi, ina ia le a’afia le Si’oga o Amerika Samoa, ona ua sasi i latou i nei mea uma.

 

O le teuina fo’i o nei vaila’au o’ona e ao ina iloa lelei e le tatau ona au i ai le fanauiti i so’o se taimi, e le tatau fo’i ona teuina i nofoaga e suluia sa’o atu e le vevela o le la. O le saogalemu fo’i o le sui e fa’aaogaina nei vaila’au e taulamua lava i fesili ma su’esu’ega sa fa’atautaia ina ia utagia mai e le aufaifa’ato’aga lo latou saogalemu i taimi uma.

 

O le to’a 23 lenei, ua mae’a fa’atautaia mai a latou vasega i le vaiaso atoa, ma ua o’o mai ai i le mea mulimuli lea e tatau ona fa’amae’a ona umia lea o latou pemita e fa’aaoga ai vaila’au o’ona e fa’amate ai vao fa’alafua, manunini’i o lo’o fa’alafua i fa’ato’aga o so’o se ituaiga.

 

O nei pemita e aoga mo le tausaga atoa ona fa’ato’a toe a’oa’oina fo’i lea o i latou ma toe faia le isi su’ega fou. E ui ina e amata lea a’oga e le ASEPA, ae o le vaega o fa’ato’aga ma laufanua Land Grant o le ASCC, o i latou na e tu’ufa’atasia a’oga ma saunia fa’atasi e i latou ma le EPA lenei su’ega.

Comment Here